有睇上回既朋友都知我嚟到挪威最西北部,突左出嚟既Lofoten Islands羅弗敦群島睇極光,但咁除左極光之外,呢度又係個咩地方呢? 係一個好鬼靚既地方!!!!!!!!! 係香港根本無可能想像到,你同周公捉完棋後,第一眼會見到咁既景象ga 咩睡意都無哂啦!!!!!! 即刻換衫衝出去海邊山上,見到既係,一望無際大西洋既日出呀........... 點擊圖片放大 +6 如果話之前腓特烈港既日落係純潔溫柔的小姑娘 (第四十八章 :http://www.utravel.com.hk/member-blog/aeolusgarcia/ADsRYhEuA3IMLg/),Lofoten既日出就係熱情艷麗的跳舞女郎 她把四周的環境熾熱起來,使樸素的小漁村添上一份獨特的醉人色彩,而自己就在這中央發熱發亮,吸引了所有人的注意,教人can't take my eyes off you 而每去到另一個不同的地方看她,都總會帶給妳另一種不同的感覺,但同樣的美麗絕倫 點擊圖片放大 +8 靚既野總係難以持久,冬天既Lofoten日照時間於係4-5個鐘,基本上日出同日落根本就分唔開, 返10放2,我返工都想呀! 天黑哂前去預備今晚晚餐,挪威魚村wor!唔係唔食魚呀!? 幾經辛苦,終於係漁船停泊既批發加工場買到兩條香港大部份女仔小腿咁粗大既魚! 有咁正咁難得既食材我梗係想試下煮啦! 同行既芬蘭光頭哥哥(其實佢細過我)話「我以前住丹麥好叻劏魚煮魚!等我嚟!!」 好啦你咁有信心咪等你嚟law,等你嚟既結果咪係放左兩條魚入焗爐成個鐘變魚肝油law!!!!!!!!!! 230℃ 一個鐘頭呀!!咁既size,豬肉都變咀香園啦!!!! 唔知佢又係烹調失誤定又係“鬼佬鐘意食柴”concept啦,總之sorry我真係燥左,好浪費呀!!!!!!!!!!!!!!!!! 點擊圖片放大 +3 食埋條魚乾,第日一早就要離開Lofoten la 呢度真係一個估計唔到咁靚咁震撼既地方,大西洋的潮汐,赤紅色的日出日落,歐洲小漁村,唔好唔記得仲有北極光呢! 萬千寵愛在一身,玩哂啦!! 本身都因為物價太貴對挪威無咩興趣,但今次嚟完之後,好有興趣再發掘其他神秘景點呢!! 雖然呢度真係靚到痴線,但嚟呢度真係會有好大問題 因為實在太偏遠啦! 我地由Kiruna自駕個半鐘過左瑞典邊境後,仲要再渣6個鐘車先去到!如果冬天去仲要計算埋北極圈日照時間短,天黑山路頭文字D既問題! 如果唔渣車,挪威首都Oslo係有飛機到Lofoten的,但由於群島太多景點太散地又大,係公共交通極疏漏的情況下根本難以有效率旅遊 所以如果真係要嚟呢度,一定要自駕遊! 肉眼所見Lofoten機場好似都可以租車的,咁應該就可以免除長途車之苦啦 貴唔貴?唔知ar,但呢度係挪威,絕對有一定既信心保証啦! =================================== IG果邊間中會有d和Blog及fb page不一樣的相片和story,大家有興趣既去follow下支持下啦~ Instagram : https://www.instagram.com/fung_garcia_backpacker/ ============================== 我既Youtube Channel正式開通啦!!!! 快d Click入 「鋒加西亞 / 旅人瘋語」Subscribe 睇片再禁個like啦!~ ================================= Email : funggarcia@gmail.com Facebook Page : www.facebook.com/Garcia.in.Germany 文章同時刊於UBlog、 DC Fever Travel、 Blogspot 、遊牧爆谷、Medium,請各位繼續多多支持呀!!!!!!!!!!!!! 鋒加西亞 - 德國工作假期後的世界流浪