20/1，終於要進入北極圈啦! 由斯德哥爾摩坐個半鐘飛機，到達位於瑞典北部山區小鎮Kiruna，又係果句-----咩鬼地方嚟ga???? 其實呢度只係我既中途站，訓一晚後我住係芬蘭既大學朋友就會嚟車我一齊去挪威自駕遊，而Kiruna呢度最易會合機票亦最平，就係咁簡單 但世事往往就係，越期待越失望，越無心越精彩 諗住求其hea一日，點知無意中發現，呢度就係剛到德國第二日認識既法國朋友提議我去睇北極光既地方! wa成件事唔同左wor~~~~ 既然呢度係瑞典著名既睇光聖地，即係一定有返咁上下凍啦，望一望個天氣預報先 哦～～～～～real feel -34度g ma~~~~真係諗起都開心啦～～～ 一落機，眼前所見，係一遍真真正正完全純白既世界!! 就算唔係第一次睇雪景，都驚訝原來北極雪是可以令世界凍結至此，呢個景象，我只係諗起一套戲 -------- “後日”! 點擊圖片放大 +3 到達有好煩大媽既Tommy Hostel後，雖然天已黑透（兩點幾日落三點幾黑哂here）但都出去闖下啦! 唔使咩特別景觀，只係一棵樹一盞燈加埋d雪都有排你睇有排你影 當然啦，“有排”係科學概念上係指你既耐寒能力及到達凍死既時間 但講真，真係唔係想像中咁凍，至少我係6件衫、 3條褲、 兩條頸巾兩對襪、防風水羽絨及手套+頭巾下活動自如，無問題呀! 夜晚同剛認識既國內朋友一齊係冰雪下搵路去空擴既山頂狩獵北極光! 點解要搵路？我facebook page果張冰凍路牌乜都睇唔到既相咪呢個時候影ga law..... 咁最終都成功去到既，但極光就真係無，等左一陣真係太凍頂唔順，被迫收隊 但都唔係一無所獲，至少星星真係好靚! 回到hostel，冰點以下食雪糕係常識吧! 第二朝早特登早起身check out，襯有日光衝出去行個大圈影相 極地陽光，真係好靚ar.......... 到下晝一點，多年不見既朋友嚟車我啦 一行7人，有香港有法國有芬蘭人既挪威自駕遊開始啦! 但第一晚先係另一睇極光熱點Abisko附近apartment過夜 極光都係睇唔到，但free桑拿真係好正!特別出面零下廿幾度緊! 出呢張相會唔會比人打呢..........I mean我又chok又露點又sexy，核突到比人打........ 欲知後事如何，請看下回分解! =================================== IG果邊間中會有d和Blog及fb page不一樣的相片和story，大家有興趣既去follow下支持下啦~ Instagram : https://www.instagram.com/fung_garcia_backpacker/ ============================== 我既Youtube Channel正式開通啦!!!! 快d Click入 「鋒加西亞 / 旅人瘋語」Subscribe 睇片再禁個like啦!~ ================================= Email : funggarcia@gmail.com Facebook Page : www.facebook.com/Garcia.in.Germany 文章同時刊於UBlog、 DC Fever Travel、 Blogspot 、遊牧爆谷、Medium，請各位繼續多多支持呀!!!!!!!!!!!!! 鋒加西亞 - 德國工作假期後的世界流浪
