北歐之旅第一站係瑞典首都斯德哥爾摩Stockholm! 揀呢度純粹因為由德國多個城市出發,坐Ryanair最平機票係$150至$170港幣連稅,好難唔嚟ga wor! 到達斯德哥爾摩後,迎接我既就係一場突如其來既大風雪,讓原本已銀白色既街道再鋪上一層厚厚既粉雪,街上途人有d加快腳步避雪,有d無動於衷,有d就勁興奮 我?梗係開心到爆炸啦!!!!趕雪趕左咁耐,終於有機會見人生第一場大雪啦!!!!!!!仲唔影相影唔停咩!!! 點擊圖片放大 斯德哥爾摩係個百島之城,由多個小島連接而成,所以海岸線極長海邊景觀極多,對於鐘意水景雪景既我簡直係天堂!但此亦代表海風大特別凍過人! 好凍!真係好凍! 我係騎士島時真係凍到手指嚴重赤痛,再唔搵地方過暖河手指會有事的! 但呢度真係好靚好靚呀...........我部相機幾乎無停過 點擊圖片放大 +3 (呢張相我超級鐘意) 基本上3日4夜既斯德哥爾摩之旅,我就係咁係城內坐11號車行行行行行,一日行6-8個鐘,就嚟比得上我藝術家老友“11號全日遊街”ga啦 一來係車費太貴,二來好多地方係要慢慢行先會feel到佢既美態同神髓,仲可以即興行去某d古怪地方作深度遊,例如我就誤打誤撞行左去個造船廠,好有One Piece 水都Water Seven feel ar!! 壞處卻是速度太慢,積雪的街道非常難行,移動力減-3,加上Stockholm實在太大啦,攪到我仲有好多好多景點未去,至少IKEA總店同出名既戶外博物館都睇唔到.............. 但騎士島,Vasa博物館,海邊市政廳及南島夜景觀光台真係要去!真係靚到不得了! 點擊圖片放大 +2 (塔上遇到既香港exchange students,我雖然大佢地近10年,但睇落都似一樣ar~有邊位網友識佢地既話聲比佢地知張相係我度呀!) (Vasa博物館,值得一到!) (過門而不入的ABBA Museum) (海邊市政廳,相影唔到效果,其實佢面向海,好震撼下的) 另外我發現斯德哥爾摩有幾樣野都好多! 壽司店多,銅像多,博物館多(行到嘔都得!),家品店多(d設計超靚!會越睇越開心),肉丸多(IKEA賣$40廿粒,呢度超市同價錢有3倍份量,又平又正!食到幾滿足都得!),7-11多(熱狗係平價填肚首選!$15港幣only),H&M多,教堂多,好人多(英文仲好好,問路零難度) 而且雖然話北歐物價係殺人既level,但就超市所見除左雞肉既鮮肉勁貴外,其他大約都係香港價錢,acceptable呀! 點擊圖片放大 (呢度半盒丸左右啦) 我今次住瑞典no.1既City Backpacker Hostel 其實真係其中一間我見最大同設施最完善既hostel,裝修設計靚之外仲有冰上用品借,花園BBQ,4部mac機任用,free桑拿free pasta,因此食方面都慳唔少! 但亦因為free pasta,差唔多成間旅館d人都聚哂係廚房! 廚具唔夠,用哂d油無得用,而且鬼仔好興食完飯霸住個位吹水吹幾個鐘,又逼又嘈,都算係不大愉快既hostel入廚經驗 為五斗米折腰,北歐d餐廳唔係人去ga,忍下啦 旅遊左咁耐,我好少覺得一個地方玩唔夠,但斯德哥爾摩就絕對係! 我一定會再嚟的,下次或者夏天到來,會有一番截然不同的感受呢! =================================== IG果邊間中會有d和Blog及fb page不一樣的相片和story,大家有興趣既去follow下支持下啦~ Instagram : https://www.instagram.com/fung_garcia_backpacker/ ============================== 我既Youtube Channel正式開通啦!!!! 快d Click入 「鋒加西亞 / 旅人瘋語」Subscribe 睇片再禁個like啦!~ ================================= Email : funggarcia@gmail.com Facebook Page : www.facebook.com/Garcia.in.Germany 文章同時刊於UBlog、 DC Fever Travel、 Blogspot 、遊牧爆谷、Medium,請各位繼續多多支持呀!!!!!!!!!!!!! 鋒加西亞 - 德國工作假期後的世界流浪