德國working holiday第五十章 : 法蘭克福=香港島

嚟到環德之旅最後一站,德國既交通經濟中心法蘭克福!
一直都聽聞話Frankfurt同香港極似而且無野玩,之不過係有心理準備下都係覺得好悶呢….
唯一令我醒神d既係第一日天朗氣清,美茵河畔輕柔沉落的夕陽~
還有那大都市的夜景,到歐洲後難得一見的城市燈火夜景,令我想起那千里之外既家鄉,想起當年放工都會落去hea既灣仔區,想起銅鑼灣一門既蟹肉蛋卷,想起灣仔豪華既蛋牛治,想起大坑Pudding既栗子芭菲,想起天后臨記既蜜糖夾餅……………….點解諗親都係食ge!!!!?????
 
 
既然講開食,Frankfurt最有名既當然係蘋果酒!
豪一豪,去左一間話好老字號既餐廳試下呢種只係法蘭克福先有既名酒
睇落呈清澈既淡黃色,好似同一般既apple cider無分別(我睇電視唔係呢種色,所以懷疑有另一種….),聞落有蘋果香之餘又帶酸,有d似蘋果醋
飲一口,wa點解會有種好似7日無洗底褲咁既酸“縮”味ge……..蘋果味同酒味都無想像中強,但都頗有後勁
即係唔係話好差,但特登再飲多杯ge我寧願要返啤酒…….但都係good try,應該一試ge
ar仲有呢間野個薯蓉好食過豬手勁多,知錯啦,要食燒豬手都係應該去返巴伐利亞州
 
 
仲有就係有日lunch撞左入間當地人排長龍既肉店亂叫野食
一個肉餅加個佢講完我都唔明係咩既芝士蛋炒薯仔紅白蘿蔔,咁就要$60………
但味道是ok不錯的,同埋跟本地人一齊企係肉店度食都幾過癮ar,至少旅遊書一定唔會介紹呢d地方law~
 
 
生活方面,我係法蘭克福整整4日,又無野好睇好玩,咁究竟做左d乜?
講真我都唔知…….日行夜行都無咩特別野好睇……..
um…….剪左個髮law
上次係柏林彌敦道9號剪完後都猶有餘悸,今次死都堅持兩邊要短同唔好攪我中間執陰!
歐洲人同亞洲人既審美觀真係完全唔同ga!!
一場顧客要求同髮型師堅持既角力賽後,總算係可以行出街既狀態…….但返去都係要自己再執……
咁就300幾港幣!但呢個已經係我係Frankfurt搵到最平!
係有$100上下既salon嘅,但對唔住,我真係無膽試………
 
 
大致上法蘭克福之旅就係無聊之下度過,呢個係我影得最少相既城市law
同時我為期一個多月既環遊德國中南部之旅正式完結
數數手指,我8/12由柏林出發,到東部德勒斯登、萊比錫後西行至鈕倫堡、海德堡,再南下到巴登巴登、Karlsruhe、Triberg、Freiburg,一日來回左法國東部史特拉斯堡,後回到東南邊慕尼黑及雷根斯堡,過年後經Ravensburg到美麗小國列支敦士登,之後一直北上到Friedrichshafen、維爾茨堡、羅騰堡,最後15/1離開法蘭克福,前後38日總共遊覽左3個國家17個城市,算係咁啦!
都係果句啦,呢個blog極度名不乎實!只有holiday無working ge!!!!???
之前真係搵唔到工嗎…….但放心啦我一定會繼續搵工ga —– 等我完埋呢趟旅行後!
旅程會進入另一個新階段,係香港時已決心要去既冬天北歐變雪條之旅!!!!
下一章開始啦~
預告下,超級多靚相的!XD

(function(d, s, id) { var js, fjs = d.getElementsByTagName(s)[0]; if (d.getElementById(id)) return; js = d.createElement(s); js.id = id; js.src = “//connect.facebook.net/en_GB/all.js#xfbml=1”; fjs.parentNode.insertBefore(js, fjs); }(document, ‘script’, ‘facebook-jssdk’));

This entry was posted in 德國 and tagged , , , , , , . Bookmark the permalink.

3 Responses to 德國working holiday第五十章 : 法蘭克福=香港島

  1. 鋒Garcia says:

    我之後係北歐長期帶住頭巾,死心啦Dave!~

    德國菜主菜多數都係味濃同煎烤,所以清熱酷同枇杷露真係好重要! 多謝你呀yauanthony!繼續留意我呢個blog la~多d上嚟坐!XD

  2. yauanthony says:

    我之前系德國食野食到個人好熱氣啊!歐洲既天空真系特別藍,好掛住啊!!!你跟住玩得開心d啊記住share多d比我地睇!

  3. Dave says:

    show 下新髮型丫唔該 XD

Comments are closed.