個個都回顧,本身諗住working holiday都未完回乜鬼呀! 但諗諗下,出發前既上半年都去左唔少地方遇過唔少事,當紀錄下自high下都好呀! 不過由於身在德國,提及ge地方無乜相睇arrrrrrrrrrrrrr! ======================================= 2月 ---- 澳門2日1夜 過年時無野做,同好友約定夜晚會合於澳門飲酒~ 下晝時$5一注電子輪盤可以15分鐘跌我3舊水,明白自己亳無賭運,百無聊賴四處閒逛澳門舊城窄巷發掘趣事,但6個鐘都發掘唔到! 毒自食個血鴨,終於第二日先見到fd,亞利咖哩屋同Galaxy Macallan bar真係正到無朋友! 3月 ---- 台北1日2夜 今年最痴線既行為,為左睇演唱會一個人坐凌晨機3點到台北,淡水hea一個下晝晚上睇完此生無憾concert第二朝早機返香港! 訓誠品訓漫畫店,食鰻魚飯蔥抓餅英式早餐,時間雖短但極浪漫(極毒)之旅 4月 ---- 泰國七岩華欣曼谷4日3夜 台北返港一日就出發去泰國!好友同行,勁食勁玩,但熱到爆炸! 4日做4個massage,去兩個skybar,精彩既商場設計,從始對泰國改觀~ 5月 ---- 湖南長沙3日2夜 搵個星期五學校放假,終於捨得走上長沙搵北京讀書時最好既朋友! 看到朋友既表演課,再一次勾起當年上課的美好回憶 飲酒食辣,過了3日地道湖南人的生活,極開心~ 8月 ---- 澳門2日1夜 一年一度Hall A飲酒團兄弟旅行,近近地係澳門酒店酒財氣去色hea兩日~ 游下水桑下拿,係亞利咖哩屋7個人叫17碟野,去錯酒吧......輕輕鬆鬆但笑聲不絕~ 9月 ---- 德國到唔知幾時 正式出發德國working holiday,起初極度唔慣嚴重homesick,好彩漸漸適應過來 慕尼黑啤酒節係暫時見過最瘋狂最high既節日慶典! 同時同小學好友自駕遊,點知遇到pk,好無癮 10月 ---- 歐洲中部東部成個月 布拉格,維也納,斯洛伐克4個城市,布達佩斯+ 2 city,Cesky Krumlov,Hallstatt 見哂中歐東歐最重要幾個靚爆既城市小鎮,識到好多朋友,去左好多當地人先去既地方,不一樣既獨行之旅! 11月 ---- 柏林1個月 搵工搵工搵唔到工,日日hea,最無聊既一個月,日日煮飯,廚藝進步新速 12月 ---- 德國東北至中部至西南部仲未完 暫時走左10個城市小鎮,嚟緊一月仲有4,5個個,完全既流浪者,現返到慕尼黑過聖誕新年~ ============================================= 寫下寫下唔覺,原來我今年去左10個國家......好似全年都在旅行..................... 所謂出得嚟行預左要還,總覺得我返到香港後有排都唔使出去....... 呀仲有一件旅遊大事,就係我開始寫呢個blog! 一直都抱住自娛兼紀錄性質來寫,估唔到出街後有唔少網友支持,實在非常感激! 我既working holiday仲有過半年先完成,希望大家都繼續支持小弟,多d上嚟坐下留言呢~ 在此謹祝各位朋友,網友及U travel員工2014生活富足,旅途愉快!~ =================================== IG果邊間中會有d和Blog及fb page不一樣的相片和story,大家有興趣既去follow下支持下啦~ Instagram : https://www.instagram.com/fung_garcia_backpacker/ ============================== 我既Youtube Channel正式開通啦!!!! 快d Click入 「鋒加西亞 / 旅人瘋語」Subscribe 睇片再禁個like啦!~ ================================= Email : funggarcia@gmail.com Facebook Page : www.facebook.com/Garcia.in.Germany 文章同時刊於UBlog、 DC Fever Travel、 Blogspot 、遊牧爆谷、Medium,請各位繼續多多支持呀!!!!!!!!!!!!! 鋒加西亞 - 德國工作假期後的世界流浪