事前對海德堡呢個地方零印象無感覺! 唯一知佢有間著名大學,even去到當晚行左轉舊城區都覺得----咁ga ja? 反而夜晚係bnb既host家中成班要吹水唔比我訓既印象仲深........... 但當第二朝到內卡河畔無目的閒逛時,一睇,嘩!呢個咩地方嚟ga!?咁靚ge!??? 點擊圖片放大 +2 呢個靚人靚景靚天氣,我自10月去Hallstatt同國王湖之後都未見過啦! 清澈既河水映照青草藍天,遠有群山古堡,近有孩童笑聲,天鵝戲水,老實講真係同CK及Hallstatt有得fight! (請參閱第廿三及廿四章) 於是我地就由原本苦惱有咩做,變成影條河都影左成個下晝! 之後上到山上著名既海德堡古堡,城堡本身已甚具風韻,加上堡外瞭望台既Christmas Market,再望埋個日落.......wa....... 如此良晨美景,最好梗係左手抱擁愛人,右手輕執小酌,同享落日餘暉既浪漫醉人啦 如果無呢?咪好似我地咁,縮入帳篷食凍午餐肉夾麵包囉 點擊圖片放大 +3 開心時間過得特別快,又要同朋友暫別了,特別一直同行既朋友C可能要返香港先再見到lu,多謝你! 別過好友,第二日係hostel借左性能極好既free bike暢遊海德堡~ 仲特登衝上城堡對岸的山上睇日落,估你唔到,景色竟然比昨天更靚...........幾乎係我見過最美既紅霞呢....... 點擊圖片放大 +3 Heidelberg呢度既美景真係令我充滿驚喜!就算為左個日落特登嚟一轉都抵! 另外,海德堡hostel唔多,住既係網上ranking最高的Steffi's Hostel Heidelberg 雖然裝修過,但仍掩蓋唔到前身是醫院/療養院既冷漠感覺 而且所謂既廚房竟然連水都煲唔滾!!難得我有包絕版出前一丁鮮蝦味.......... 但如果去海德堡我仍然會住多次,因為佢既free bike同三分鐘行到中央車站law....... ================================= =================================== IG果邊間中會有d和Blog及fb page不一樣的相片和story,大家有興趣既去follow下支持下啦~ Instagram : https://www.instagram.com/fung_garcia_backpacker/ ============================== 我既Youtube Channel正式開通啦!!!! 快d Click入 「鋒加西亞 / 旅人瘋語」Subscribe 睇片再禁個like啦!~ ================================= Email : funggarcia@gmail.com Facebook Page : www.facebook.com/Garcia.in.Germany 文章同時刊於UBlog、 DC Fever Travel、 Blogspot 、遊牧爆谷、Medium,請各位繼續多多支持呀!!!!!!!!!!!!! 鋒加西亞 - 德國工作假期後的世界流浪