現正身在柏林 好多日無寫blog,全因hostel既wifi虧到乜相都upload唔到! 頂唔順,放棄華貴酒店feel hostel搬去小本經營home feel旅舍,終於有返正常網絡功能! 即刻上載返一早寫好既文章先 ================================================= 講到食,匈牙利最出名梗係燉牛肉Goulash啦! 基本上每一間匈牙利餐廳都會有佢地自己燉牛肉既方法同特式 為左一試有咩唔同and有幾好味,我呢個牛肉愛好者走訪左3間唔同餐廳連續食左3餐goulash(老老實實,雖然好味但連續食真係唔係好頂得順.....) 結論係間間都差唔多間間都咁好食ge!!!!!!!!!!!!! 得啦~~~~~~~唔好扔野住!因為純以味道計真係差唔多! 橙紅色極香濃既牛肉獻汁,微酸,有蔬菜既香味, 牛肉大多用瘦肉同牛根,瘦肉偏“鞋“但味濃,牛根滑而粘口,同潮州牛腩果種濃郁係完全不同感覺 如果話唔同既可能係配菜 基本上都係配薯仔粉團(係斯洛伐克遊記講過果隻呢),但有加炒蛋,有加酸忌廉,都有白煮,但我個人覺得最應該係配飯!!!!!! 雖然我未試過,但匈牙利人會食飯的,可以問下轉唔轉得~ 另外有種goulash soup,係燉牛肉既湯水版(得啦唔好翻譯左當講左野啦!),都值得一試! 另外匈牙利除左goulash外有咩特式食物?老實講我唔知! 因為成日出街食使錢太多,難得hostel有廚房,仲唔整返幾個腸蛋麵思下鄉!? 不過我見餐廳其他食客點既,不外乎都係歐洲常見既schnitzel,焗雞果d,我諗都唔錯掛 遊樂方面,教堂Museum呢d基本功唔講啦 布達佩斯市內既英雄廣場我覺得值得一去,d銅像既氣勢真係幾迫人! 可惜我無做資料搜集唔知佢地係咩大人物,唯一識既就係甘道夫! 另外其他例如central market hall , 山上既自由女神像,另一邊山上既Royal Palace都係不能不去的,特別係夜景,更加能同布拉格爭一日之長短 如果可行既話,係旅館or布達佩斯某d地都有單車租,邊踩邊觀光是very good的!(布達佩斯係好似北京咁地圖比例好大的!) 點擊圖片放大 +3 不過以上都係旅遊書大把有得介紹,我想講既係距離布達佩斯約兩小時火車既Balatonfüred同Tihany呢兩個黐埋一齊既地方 話說多口問hostel d staff本地人放假會去邊,佢即刻好熱情咁寫左幾個地方比我,但時間所限我就只係去左呢兩度 此地位於匈牙利最大湖Balaton湖西北邊,係匈牙利夏天游水消暑渡假之地~ 無錯,係夏天!即係而家秋冬季我去到係完全無野玩ge!無理由玩風帆扮雪條ga! 於是只係兩地亂咁周圍行影下相,其實都幾靚ge~ 點擊圖片放大 +4 行到兩點幾,係湖邊多口撩下d釣魚阿伯,雞同鴨講傾偈傾左一輪,膽粗粗問佢借支魚竿玩! 自從細個無再係南Y島玩之後都無釣魚十幾年啦! 當時仲係跟father去碼頭chok泥蜢釣石九公林哥仔,仲係只用魚排魚絲釣tim!魚竿?識鬼用! 最終結果係----------------------- 一條魚毛咁大把~~~~~~ 但我已經覺得自己超勁!第一次用魚竿ja~比下面啦~ 至於呢條魚毛既下場,就係比阿伯囉嚟細魚釣大魚...........對唔住呀魚,阿彌陀佛....... 去埋呢兩個地方後,第二日正式離開匈牙利 係呢間hostel識左幾個好nice好好傾既朋友,雖然有d無機會keep contact,再都祝福佢地旅途愉快啦~ 最後都賣下廣告,我住果間hostel叫The groove,平靚正方便之選,really love it! 同房認識既香港人Nokoy,sorry ar無咩時間機會同你傾偈,返到香港一定要試你既調酒手勢呀! =================================== IG果邊間中會有d和Blog及fb page不一樣的相片和story,大家有興趣既去follow下支持下啦~ Instagram : https://www.instagram.com/fung_garcia_backpacker/ ============================== 我既Youtube Channel正式開通啦!!!! 快d Click入 「鋒加西亞 / 旅人瘋語」Subscribe 睇片再禁個like啦!~ ================================= Email : funggarcia@gmail.com Facebook Page : www.facebook.com/Garcia.in.Germany 文章同時刊於UBlog、 DC Fever Travel、 Blogspot 、遊牧爆谷、Medium,請各位繼續多多支持呀!!!!!!!!!!!!! 鋒加西亞 - 德國工作假期後的世界流浪