因為自己太意,唔知係斯洛伐克邊度跌左張10/10返德國既火車飛,但又約左朋友22/10去德國邊境既國王湖wor 於是被逼大改行程,滯留係住宿甚平東歐多十幾日,亦開始左呢個匈牙利一星期深度hea遊 ========================================================================== 我既老友一定會睇得好開心,因為呢篇係講我係匈牙利點勁中計ga! 寫呢篇時正在離開布達佩斯既長途火車中,實在忍唔住要吐一吐苦水! 匈牙利實在太多野陰死你啦!!!!!!!!而最大既問題就係呢度乜都唔出聲! 長途火車大部份都係水牌無寫中途停咩站,月台號碼要尋寶先搵到,月台同車上無職員比你問野,上車時間約得3分鐘,開車前無任何提示直接開,到咩站唔講,車站名一個水蛇春咁長既月台得一個,唯一既落車依靠竟然係網上check班次時既到達時間!仲要唔太準wor! 十間門口寫有銀聯都係無既,地鐵自動售票機連1000福林(約$33港紙)都認唔到,只坐兩個站有特別平既300福林車票又唔出聲,但check飛既只有入閘時幾個中年,佢地又只係睇你張飛有無cut過,鬼知你坐幾多站咩!呢個年頭仲要浪費呢d人力資源........ 仲有我遇到7成既匈牙利人都覺得自己英文好勁,但d口音係完全錯哂,我聽唔明佢仲會覺得你咋!我英文咋極都唔會pizza讀“pre些“掛! 仲有其他地區性既中伏,例如 : 無船扮有船,無站扮有站 ; 一條直路行左成K先話封左路唔該回頭 ; 地鐵突然sat sun維修又唔講接駁巴士係邊 ; 山長水遠去到個古堡但維修緊得展覽睇 ; postcard可以兩面都係全彩色風景相 ; 上山睇夜景,行到山腰會突然無燈無路牌,氣來氣喘上到去先發現原來唔知邊到有巴士上嚟 ; 上另一座山唔想再行買定$60來回纜車,點知仲矮過朗豪坊 ; 言語不通咁只叫個匈牙利燉牛肉,上埋個乳酪酸青瓜以為係連埋既side dish,點知收多我十幾蚊 ; 早上唔飲凍野,要hot water佢就比支cold soda water我,同佢好慢咁講多2次“hot water!",waiter“ar"一聲明白收起,轉頭倒哂d soda裝返d自來水落去個樽度仲要扮high比隻杯我,仲夠膽收我$15!?個感覺簡直就係 唉呢個國家真係暫時最多伏既地方........... 不過咁,布達佩斯呢個城市我都算幾鐘意,一來物價平(一晚hostel最平竟然可以$50??又大又齊又乾淨又有特色又市中心wor!),二來又靚又多野玩d foods又好味 下篇就講下佢抵讚既地方先 =================================== IG果邊間中會有d和Blog及fb page不一樣的相片和story,大家有興趣既去follow下支持下啦~ Instagram : https://www.instagram.com/fung_garcia_backpacker/ ============================== 我既Youtube Channel正式開通啦!!!! 快d Click入 「鋒加西亞 / 旅人瘋語」Subscribe 睇片再禁個like啦!~ ================================= Email : funggarcia@gmail.com Facebook Page : www.facebook.com/Garcia.in.Germany 文章同時刊於UBlog、 DC Fever Travel、 Blogspot 、遊牧爆谷、Medium,請各位繼續多多支持呀!!!!!!!!!!!!! 鋒加西亞 - 德國工作假期後的世界流浪