上回講到即閃Banska Stiavnica，係真係快到凌晨4點半起身行落山坐第一班巴士去下一站Zdiar 又係果句，咩地方嚟ga??? 係不停轉巴士既呢6個鐘裡面，我每轉一次就驚一次落錯車搭錯車，重點係呢度一班車隔好耐!更重點係言語真的完全不通!更更重點係假如錯左留落街頭，出面係零度緊而我得秋天衫ja!!!!!! 好彩幾經辛苦終於成功到達斯洛伐克東北近邊境既小村落Zdiar （其實都唔好彩，落車搵唔到去hostel條路，遊完過高山遊完過谷+涉水過河攪左成個鐘，但原來離車站只係5分鐘路......而且呢個時候發現張sd card突然完全死亡......） 而係呢個偏遠到，去最近城市都要坐45分鐘巴士既小村落究竟可以做d乜呢？ 呢個問題我問左Hostel既主人Dave and Rebecca，佢地笑住話"you can do nothing!" 當時我O大個咀，之後微微一笑帶過，但最終我係度留左3日2夜，點解？？ 點擊圖片放大 +2 睇完d相都唔使解啦下話 行下山，遊下溪澗，坐係草原上睇日落，係旅館外飲住熱朱古力由看雲，看星，看銀河 夜晚同hostel來自五湖四海既鬼仔鬼妹一人一個pizza，無聊到為隻噴火辣椒同garlic sauce笑成晚 如果夾硬話要睇景點，20分鐘車程外既巨大鐘乳洞，我有去看過，不俗!但精彩之處卻又不及水天山色了 點擊圖片放大 +4 Zdiar呢3日係我呢個東歐旅程中最放鬆既3日 雖然只係少少，但我慢慢明白到咩叫“you can do nothing" 我地香港人平時太忙啦，連旅行都要滾水淥腳填滿哂d行程 從來無諗過旅行其中一個目的就係釋放自己 不為而為，以無劍勝有劍，無法為有法 yes I do nothing here,but I am very happy ==================================== IG果邊間中會有d和Blog及fb page不一樣的相片和story，大家有興趣既去follow下支持下啦~ Instagram : https://www.instagram.com/fung_garcia/ Email : funggarcia@gmail.com My Facebook Page : www.facebook.com/Garcia.in.Germany Medium : https://medium.com/@funggarcia 另外文章同時刊於UBlog、 DC Fever Travel、 Blogspot 、遊牧爆谷，請各位繼續多多支持呀!!!!!!!!!!!!! 鋒加西亞 - 德國工作假期後的世界流浪
