原本只想逗留係Bratislava幾日就落布達佩斯,但hostel既bar tender興致勃勃咁同我介紹呢個國家有咩地方值得去,心諗都仲有時間,就試下繼續去探索呢個唔係咁多人熟知既國家啦 係斯洛伐克既第二站就係以前係礦場城市既Banska Stiavnica,由首都Bratislava出發大約係3個零鐘巴士or 4個鐘火車,但每日都係得好少車 落車後先發現 ----- 搵老襯啦!!!!又係山城!!!仲要係垂直由山腳到山腰果隻!即係居民想買野,由A行到B,係要不停行山ga! 仲有!autobus車站離鎮中心有一段距離,係呢個無bus無tram無的士既小鎮,我要“咩“住個廿幾磅重既背囊行上獅子山=_="氣溫5度之下都可以成身大汗 樂觀d la,呢個係最佳既減肥方法! 去到非常home feel ge hostel後急不及待繼續做運動環遊呢個小鎮 其實都ok ge,之但係除左教堂同museum外就真係無野行,我兩個鐘已經feel到“係咁多啦!” 所以剩低既事就係晚飯 要講下斯洛伐克傳統地道菜“唔知點讀唔知咩名”,港式叫法就係“酸椰菜腸仔豬油渣炒薯仔粉團” 又咸又酸又濃既一團粉........又唔係好味但又唔係話唔好味......... 就好似Banska Stiavnica呢個地方咁,又唔係好但又唔係唔好 唯有老土d講句 - 唔岩我口味呢 無謂浪廢時間!此地不宜久留!第朝即閃去下個目的地Zdiar! (路過聽到好正既jazz band!立刻令當晚精彩左!) ==================================== IG果邊間中會有d和Blog及fb page不一樣的相片和story,大家有興趣既去follow下支持下啦~ Instagram : https://www.instagram.com/fung_garcia/ Email : funggarcia@gmail.com My Facebook Page : www.facebook.com/Garcia.in.Germany Medium : https://medium.com/@funggarcia 另外文章同時刊於UBlog、 DC Fever Travel、 Blogspot 、遊牧爆谷,請各位繼續多多支持呀!!!!!!!!!!!!! 鋒加西亞 - 德國工作假期後的世界流浪