人在異鄉最掛住屋企碗飯,相信無咩人會反對,但山高白飯遠,中式餐館又貴又難食,自己整似乎係又平又正既最佳頂當方法 之前都提過我住既hostel完全無廚房,經過個幾禮拜,我終於有機會在一次慕尼黑香港人的中秋小聚會中一顯身手啦! 一直以來我都對自己既廚藝相當自負,閒閒地十零廿個公仔麵真係無難度 但嚟到呢度先知道真係天外有天人外有人! 呢度既香港人(男仔限定)係會識由零開始整冰皮月餅ga!!連整cheese cake都可以唔睇書攪掂! 更恐怖既係佢地會自己買麵粉嚟搓麵團整麵條食呀!!!!!!!! 「平ar嗎,一包麵粉零點幾€,食成個禮拜食到嘔都得。」 我真係諗如果有地方既佢地自己種米tim ar ! 不過幸好果晚我都唔算失禮,係各強手環伺下,算勉強過關啦 (焗辣椒雞及椰菜花,算係咁啦) 而我之後既另一大挫折係源於我對外國廚房同食材既不認識 話說追月夜,朋友C想比佢德國roommate試下正式Hong Kong style家常菜 於是我地就一早買哂野由我主理四個小菜 開波~~~~~~~~大鑊!無鼓油煮乜中菜? 個火一時細一時大,電磁爐咁麻煩ge? 個pan黐底黐到黐線ar!!! ................ .......... ..... .. 終於好不容易大功告成 !!!!!! 一咬-----舊牛肉韌過橡膠!我炆多個幾鐘都係咁! 賣肉既土耳其佬仲話舊牛肉cook very quick very soft,我dup你就唔荒唔very soft la! 位德國roommate最終只係禮貌地食左幾舊薯仔就話飽啦.......... 唉......呢個簡直係我下廚生涯最大既污點...... 不過,都因為呢次下廚,比我知道各處鄉村各處例,同樣既方法,係唔同地方係未必行得通,當買個教訓吧,唉真係難為當晚陪我硬食既朋友C,飛仔同包兄呢 之但係咁,當晚我地都因為呢件事開左個頭,一直飲酒談笑到凌晨4點幾,就好似返到大學宿舍生活一樣~我嚟到德國都未試過好似當晚傾得咁開心ar~ 其實呢d煮飯會,除左慳錢同有餐食外,更重要都係能與朋友一齊相聚暢談,一解人在異鄉的寂寥吧 =================================== IG果邊間中會有d和Blog及fb page不一樣的相片和story,大家有興趣既去follow下支持下啦~ Instagram : https://www.instagram.com/fung_garcia_backpacker/ ============================== 我既Youtube Channel正式開通啦!!!! 快d Click入 「鋒加西亞 / 旅人瘋語」Subscribe 睇片再禁個like啦!~ ================================= Email : funggarcia@gmail.com Facebook Page : www.facebook.com/Garcia.in.Germany 文章同時刊於UBlog、 DC Fever Travel、 Blogspot 、遊牧爆谷、Medium,請各位繼續多多支持呀!!!!!!!!!!!!! 鋒加西亞 - 德國工作假期後的世界流浪