基於工作性質問題,有d國家既重要節日根本一係退休一係劈炮先有緣參與 既然身在慕尼黑,無理由唔去聞名世界既Oktoberfest Munich慕尼黑啤酒節ga! 但啤酒節老蘭有,馬會有,馬可菠蘿都有!點解要飛十幾個鐘去慕尼黑先!?? 而家就根據我去左3日既親身經歷話你知!要去慕尼黑啤酒節既十大理由--------- 1. 有張跳極都唔斷既長凳,可以見識下四個麻甩佬跳彈床既震撼 2. 有荷里活國際級明星Samuel L. Jackson及Paris Hilton揾你坐底飲酒,但呢個場認女不認男,堂堂復仇者聯盟阿頭比人igrone兼趕走埋 3. 呢個世界無咩地方既人會1L啤酒照頭淋後都照坐低笑住同你吹水 4. 撞爆杯可以唔使比錢,剩玩呢樣都夠抵 5. 呢度集合左全世界最多但又最斯文既醉酒佬,行之字會講sorry,最多三唔識七搶你個豬扒包嚟咬je 6. 可以欣賞晚霞裡一街嘔吐物的壯麗美景 7. 會睇見一堆死屍葬係草坡上而唔係泥土下,有d仲係殉情式互抱,當然有少量係男+男 8. 會學習到完全言語不通雞同鴨講時,能夠用食物嚟做溝通語言,例如 ----- 朋友A :「How long have you stayed in Munich?」 鬼佬 : 「boiugiuygiuybiuhbgiuhbiuhv」 朋友A : 「1 week?」 鬼佬 : 「Me, Italy!」 朋友A : 「Italy! Pizza!」 朋友A+鬼佬 : 「yeah!!!!Pizza!!!!!!!!Cheers!!!!!!!!」 9. 酒客會飲夠讓坐,唔會叫一杯坐到聽日 10. 花車巡遊後會有數十座山既馬屎一路向西伸延 11. 當你要係會場搵朋友時,就可以玩一次真人版Where's Wally,包你難玩十倍 12. 如果你係男人,係一街巴伐利亞傳統女性服裝下,會好大機會患上事業線恐懼症,睇到想嘔但仍然會自動追蹤去睇............ 明明十大理由點會有12個ga?? 因為“十大“呢個名好聽d law 點擊圖片放大 +5 =================================== IG果邊間中會有d和Blog及fb page不一樣的相片和story,大家有興趣既去follow下支持下啦~ Instagram : https://www.instagram.com/fung_garcia_backpacker/ ============================== 我既Youtube Channel正式開通啦!!!! 快d Click入 「鋒加西亞 / 旅人瘋語」Subscribe 睇片再禁個like啦!~ ================================= Email : funggarcia@gmail.com Facebook Page : www.facebook.com/Garcia.in.Germany 文章同時刊於UBlog、 DC Fever Travel、 Blogspot 、遊牧爆谷、Medium,請各位繼續多多支持呀!!!!!!!!!!!!! 鋒加西亞 - 德國工作假期後的世界流浪