呢幾日聽到收音機同巴士廣告都有講Megabox 果個迪迪尼新年展覽, 見今日放假就帶姪女去見識下 好彩係平日, 唔洗等好耐就有Shuttle Bus~ 成日聽人講話等左40分鐘都未上到車 一上到去L5, 即刻見到好大棵"米奇桃花樹", 靚到哇一聲出黎 , 真係好特別!!當然其他迪迪尼公仔都好令!! 不過可惜無我最鍾意既史迪仔, 唔係就完美啦~ 我姪女見到D公仔好興奮, 成日手指指個公仔, 之後用剛剛學識無耐既步法成支箭咁飛過去, 真係睇少一陣都無左影 (平時又唔見佢行咁快...) 我未去之前都唸緊佢會鍾意邊個公仔人物呢? 答覆竟然係..... 唐老鴨.... 隔離盤桔!! ....即刻拉番佢走, 唔係比人話偷桔... 其他公仔都好靚! 我就比較鍾意呢一個米奇, 個樣夠哂趣緻~ 影完相行完個展覽, 去左同一層果個精品街~ 見到話可以參加抽獎送24吋咁大隻既米奇Art Figure! 抽中既擺係屋企都唔錯, 哈哈! 個抽獎活動係上佢地facebook 就參加得, 上 facebook search "送24吋米奇巨型珍藏人物" 就搵到架啦! 總括來說, 呢個展覽的確值得一去, 唯一扣分既地方就係個場地細左少少, 多人既時候會好迫!同埋無我最鍾意既史迪仔 ><