大家仲對Hotel Vic有印象嗎?喺上年8月尾的時候,開業差不多1年的Hotel Vic已變身為連鎖酒店品牌Hyatt Centric了!之前到訪過東京銀座的Hyatt Centric + 一直沒有機會試住 + 加上近日很多酒店也在做優惠,好奇心滿滿的我就趁着機會入住酒店體驗! 這是我上一年2019年尾的入住體驗,還未有這些高CP值的住宿優惠,今年疫情紓緩過後,很多酒店也推出酒店住宿優惠,近日Hyatt Centric推出了雙人住宿連餐飲優惠,小妹看過酒店官方訂房頁面的「煥新時尚薈萃住宿連餐飲優惠」 (連結),平日最平 $960/晚 (人均$480/位未連稅),星期六日周末日子便貴一點 $1,140/晚 (人均$570/位未連稅),但亮點就在CP值超高,房價包雙人自助早餐 + The Farmhouse 自助午餐 或 Cruise空中餐廳下午茶,如果想吃晚餐跟喝喝酒,可加$400將自助午餐升級做 Cruise空中餐廳的晚市雙人套餐,包2小時無限任飲氣泡酒、啤酒及汽水添! 想住的朋友可去官網睇埋其他優惠~ 評分總覽 房景:5/5分 一定一定要揀維港景,唔係嘅話望住內街唔知好嬲定好笑。位置:4/5分 落街行2-3分鐘行返出大馬路就可以搭巴士或叮叮,都有地鐵,睇自己選擇,要去銅鑼灣等等行街地區都好方便。附近都有唔少小店,都係自己選擇啦~設施:4.5/5分 有無邊際泳池、望維港健身中心、望維港Sky Bar、望維港Lounge、桑拿、蒸氣室、VR Gym遊戲、多國菜餐廳,房嘅電視都高清幾靚仔,有sound bar。P.S. 留意返酒店因應疫情嘅安排,部分設施或會暫時關閉~訂之前最好向酒店查詢喔!睡眠質素:4/5分 睡床較軟,訓得都幾舒服,落晒窗簾熄晒燈基本上係全黑。唯獨是天花板有啲防火燈閃下閃下,擰埋一邊訓都無咩事嘅。服務:3.5-4分 基基本本,你需要幫助時,酒店職員絕對會樂意解決你嘅問題,但唔好期待有5星酒店嘅果種熱情主動嘅服務態度。 ▲Check-in大堂供客人飲用的香橙士多啤梨水 ▲灰白主題雲石牆走廊今次入住房間位於10樓,屬海景客房,打開房門就看到引頸以待的景色~調光看清相片,大家就會看到房間主要是灰+卡其+雲石主調,用色低調,質感精緻,不會誇眾取寵,房間不算太大,卻讓人舒適安心。 ▲特地調暗了房間光線,讓大家看看維港景 ▲窗邊擺放長形梳化,能躺着賞賞這耐人尋味的景致 ▲窗外景色 ▲茶包及咖啡膠囊的Minibar,放得工整用心 ▲上一年是空空如也的雪櫃,不知這一年是否也是這樣,還是已經添置飲品食物給客人享用呢?浴室也是一貫的雲石設計,感覺高尚優雅。特別之處,酒店不使用即棄式沐浴套裝,取而代之的是家庭式般的大容器,相對環保。 另外我很喜歡他們的護理用品包裝設計,充滿香港風情,最終也捨不得拆開,原封不動的留在櫃裏。 來到無邊際泳池,長方形達23米!多數見住客也不是真的在游水,最多浸下水曬下太陽歎緊。池的最盡頭還有個小正方形按摩池,舒唔舒服、有冇按摩效果就見人見智喇。嚟到呢度冇理由唔打卡嘅! 更衣室裏面有埋桑拿+蒸氣浴,非常適合女士們!焗完隔離就係沖涼房,另外仲有乾衣機同保鮮袋,非常方便。 ▲附有日式木桶裝水倒進熱石健身室內的飛行VR遊戲,應該是香港少有。我未玩過海洋公園VR所以比較唔到,但都算係幾有新鮮感。這是考平衡、精神的遊戲,如果自問容易頭暈的話就唔好勉強了~重大提示!女仔玩嘅話要着緊身啲嘅褲,千奇唔好着裙、鬆嘅短褲,一定走光。點擊圖片放大 ▲看着維多利亞港,健身時是否更有能量,想要變得更強壯呢? ▲Cruise的任飲2小時晚餐,雖然這次入住體驗不包括,但還是可以給大家參考環境呢,很不錯的喔 ▲這裏就是晚餐會到的Cruise餐廳!高空俯瞰城市夜景,不是房客的朋友都可以去吃吃東西喝喝酒,很適合談天說地 ▲這是上年我們在餐廳內點的紅咖哩,但現在Menu轉了新就不存在了,但我最愛的青咖哩還在,喜歡的朋友可以試試看啊 ▲火焰雪糕 On Fire! 份量可以給2-4人吃啊,記得吃得很滿足~ ▲坐不了露天座位也可以在這邊享用晚餐,Cruise 空中餐廳形成角落的窗,印象很像Upper House呢,快要日落的樣子真的迷人,不同的是這裏的價格很親民整體嚟講,酒店硬件算係唔錯,淨係喺間房、泳池chill下我都覺得值,喺頂樓Cruise食個晚飯,價錢親民,俯瞰維港夜景,質素唔曳,有service,已經很不錯喔。而家呢個階段,性價比高,就算房價去返正常千零蚊,沒有優惠套餐,我都覺得俾得過。 ▲喜歡貓的朋友更可以走到北角碼頭碰碰運氣 ▲真的有點妒忌睡得這麼香呢Hyatt Centric Tel: +852 37621234