今日想寫舊聞一則。自己一個人去旅行其實都係試過兩次咁大把,不過兩次都係有突發事發生。第一次自己一個人的旅行地點係名古屋、高山、白川鄉。當時的我中係好興去旅行完全睇地圖紙,電話卡同wifi蛋都冇。依家諗起,其實都幾驚XD 事情係發生係白川鄉,就係上面張相個到。話說由高山去白川鄉都要坐個幾鐘巴士,坐坐下已經覺得唔妥,唔係我坐錯車,而係有女孩子先有個種唔自然的感覺,冇錯!我就唔怕話你知,我感覺到我「親戚」突然黎左。(男人唔好問點解會feel到,因為你唔係女人係一世都唔會知)而重點係,我身上係冇任何可用的女性用品! 當時我都未係好驚,落左車睇下有冇便利店。ok ,白川鄉都算係山卡啦,唔會有便利店嫁囉。唔緊要,日本廁所好多時會有女性用品自助販賣機,去廁所先,頂!咩都冇。我諗男人係唔會明當時我有幾恐懼,我心入面有個打算:實有香港團黎ge,到時硬住頭皮去問人應該問到ge… 而我未搵到自己人幫手,決定先搵日本人幫手。我去左旅遊點一定有的旅客案內所,先問下有冇人識講中文或者英文,係冇ge。好啦,當時我係岩岩先學識50音,我又點會知日文的女性衛生用品係咩,大家記住我一開始已經利申我係上唔到網嫁。呢個時候我用最簡單的英文對住個日本女人講出以下句子:A thing woman needs to use every month. (請無視文法) 唔好問我點解唔直接講period,但我當時腦到係得呢句,而個日本人又竟然答我「わかった!」(我明了),佢就跑左去後面拎左一個小紙袋比我,入面就有我需要ge野啦!!!ありがとうございます! 簡直係我人生入面十大感動事件之一。完。 -------------------------- 比得like多自有神庇佑: https://www.facebook.com/ami7.sevenkahei/