「我今日有咩唔同?」可能對男士們嚟講比畢氏定理還要難解答,因為這是真的「不是定理」!其實,只要懂得竅門,要安全回答這條問題絕對無難度! 1. 出奇不備 通常女仔問得你佢有咩唔同,都係離不開換咗隻eye shadow 嘅色、換咗支唇膏嘅色、甚至乎係換咗支香水。其實男士們答唔出是很正常的,我亦相信除咗化妝師髮型師stylist可以準確答中bingo之外,一般凡夫俗子都無可能答得到。不過,只要你將呢條問題視為增進感情的機會,咁就唔同啦! 咁所以,你可以試好認真咁隨便答一句「胭脂換咗色?」「換咗隻粉底?」「換咗隻洗頭水?」「換咗隻香水?」 啦啦啦!關鍵在於要「好認真」咁隨便答!認真在於胭脂、粉底、洗頭水、香水呢D細眉細眼位。細到咁,就算你亂答呀,女朋友都以為你真係好細心咁留意到啦!不過無論答中定錯都好,記得補番句「我都係亂答咋,好似有D唔同但係我又講唔出。」如果唔係佢就次次同你玩《最強大腦》啦! 2. sweet sweet包無死 其實可以唔好咁膚淺,淨係答D表面嘢。幾廿年前張學友都唱過啦~「而每過一天 每一天 這醉者 便愛你多些 再多些 至滿瀉」所以下次當你女朋友問你「我今日有咩唔同?」,你就可以好sweet咁攬住佢條腰,情深款款咁望住佢答:「我知!你今日比昨日更愛我!」冧死~ 喂!唔好諗住轉橋答「你今日比昨日更靚!」之類之類,一個字:行貨!你諗多10個答案都補唔番! 3. 必殺技 呢招無論你求其講定認真講都work: 「你瘦咗!」