尖沙咀搵食~美國New Orleans菜-The Captain's House 呼~過了忙碌的五月, 趁住六月肥豬生日一於食餐好/豪嘅! 基於筆直始終有限, 所以所選的餐廳以特色取勝。話說尖沙咀厚福街有一棟美食大廈叫H8, 入面啲餐廳都好有質素, 而且價位合理, 唔會有"貴夾唔飽"又或者"食裝修"嘅情況。絕對值得一try! 首先第一樣嘢要講嘅係--book 位!事關店面唔算好多位, 所以walk in 的話好易無位。今次我係openrice個app book位, book完有email confirm, 當日下午仲會打電話confirm booking, 好方便。用餐時段分1830 同 2030, 我book的是2030。點解要將book放係第一個point講係因為當日我地2000左右就已經入座, 睇住餐廳即使keep住有walk in客都會reject, 因為已經full booking。可惜過咗2030都唔滿座, 明顯有客唔嚟都唔cancel booking。好可惜, 想食嘅人無得食, 唔嚟食嘅人就偏偏霸住咗個位, 好可惜 :( 所以去唔到食飯的話記得cancel booking 呀! 點擊圖片放大 +2 好啦~講完booking的感想, 係時候講番間餐廳啦!The Captain's House食嘅係海鮮餐, 同一般日式放題又或者中式海鮮餐唔同, 呢度係食美國新奧爾良New Orleans嘅海鮮菜。首先係menu, 可以揀要3、5、8款海鮮, 另外仲可以加活龍蝦同虎蝦。我地2個人唔算好大食量, 所以叫咗5款海鮮試下, 分別係小龍蝦、扇貝、蜆、翡翠螺、長腳蟹腳,sauce就要lemon butter sauce。除咗海鮮, 鍾意食香口嘢嘅我另外叫咗個爆谷蝦~ 點擊圖片放大 我地同時叫咗杯cocktail~生日吖嘛 :P 我叫的sunshine, 係orange juice + Gin 肥豬叫的Sex on the pool (?), um......唔洗理咩溝咩, 總之就咳藥水咁嘅味啦 由於會用手食, 好易整污糟, 所以餐廳準備咗圍裙比客人, so sweet 登登登登~海鮮終於到啦! The Captain's House最有特色嘅"袋裝海鮮"。藍色嘅網袋係老闆特登加嘅, 令呢道菜睇起上嚟比較吸引而且有特色一D。呢一袋海鮮好重手~ 店員會細心提醒客人要戴圍裙, 而且會提議客人先拍照。然後就幫客人打開海鮮袋啦! 點擊圖片放大 +2 一開就好大陣牛油香同粟米香!!而且熱到出煙, 流晒口水!! 佢就係小龍蝦啦~ 原來真係好細XD 仲有長腳蟹同翡翠螺, yummy! 因為要用手食, 所以都無乜點影食物相 ;P 除咗海鮮袋, 仲有爆谷蝦, 同樣好正 到最後, 飲到醉醉地嘅肥豬話唔食番隻生蠔好似差D嘢咁, 所以都係為壽星豬order咗2隻smoked bay~好鮮甜~ 最後, happy birthday肥豬