小周董本身唔怕水，但2年前曾經學過游水，遇著老師比較嚴同埋佢未太習慣，結果每次上堂都喊，之後叫佢親佢學游水都SAY NO，隔左2年開始大個仔D，上星期去左體驗下史丹福游泳學校的兒童游泳班， 史丹福有好多分校，其中作為將軍澳街坊的我，揀左位於保良局黃永樹小學，喺正將軍澳MTR pop corn商場附近，地段十分方便，我就陪小周董就一齊去體驗久違了的兒童游泳班。 學費已包括埋家長學生入場費，有一個區域專係比家長睇小朋友上堂，最緊要有冷氣開放，就算要等小朋友落堂，1小時都可以舒舒服服地等，之前我地上過一d兒童游泳班在公眾泳池內上堂， 家長入場需自己另外繳入場費，同埋加上公眾泳池始終多人，較易會發生碰撞，呢度有私人泳池上堂，人數有限定唔會太迫，家長更加放心比小朋友去學游水。 史丹福游泳學校特別提供手冊或者網上system，咁樣家長就更加容易去了解子女的進度，每一堂都帶本用冊上堂，老師上堂後會做返紀錄... 手冊上會有列出今堂教左D乜，同小朋友做唔做到有關動作等，家長可以更清楚小朋友學習進度 上堂前小周董都仲好緊張，但呢度D導師真係好好，同埋睇得出好有經驗，小周董今次由教練主管 (余sir) 親自教授，佢一開始先同小周董踢踢水熱熱身先 之後先慢慢落水，同佢玩一陣，原來私人泳池上堂真係感覺好好多，有獨立的上課空間，唔會受到其他泳客影響，小周董呢D年紀都係腳可以掂地的淺水區上堂，除左較安全，小朋友亦唔會怕浸親而唔敢落水。 余SIR好細心叫小周董吹水....哈!!! 原來我地以為好簡單的吹水動作，對小朋友來講都未係咁容易掌握，小周董要吹左一陣先識得用細細O型咀吹...哈, 好好笑 :p 吹吹水又踢踢水，見到佢開始好開心同好投入，老師唔會過分強迫小朋友做某d佢地覺得難的動作，其實要佢地學識游水，首先真係要佢地真正愛上泳班，先可以KEEP住上堂。 最後20分鐘簡直令我非常SURPRISE，余SIR見小周董唔怕水，亦做到好多初級動作，就開始試下教一D有少少難度的泳姿 小周董好留心聽老師指示，佢放鬆身體試下浮在水面.... 老師協助下再幫佢利用浮板游回池邊，小周董有好大成功感，見到佢超開心，最後5分鐘佢仲試下自己用浮板來回咁游，由2年前好怕水，驚左上游泳堂，而家只係上左一堂就有咁大進步，我真係覺得好神奇，當然我覺得除左因為小周董大個仔左之外，有經驗的老師同有足夠配套的游泳學校的確係十分重要。 小周董上完一堂兒童游泳班己經不停問我幾時可以再上，難怪史丹福游泳學校一直都咁受家長歡迎，除左因為游泳班都係於室內泳池上課，唔會受天氣影響之外，仲因為呢度有好多經驗老師令到小朋友可以愛上游水，同埋佢仲有客戶服務，客戶服務的職員係專門處理關於課堂的行政事務等，老師就專心教授小朋友，好多私人班只會一腳踢，或其他泳會都未必有客戶服務去處理家長查詢，導師要處理家長問題同時教小朋友游水，有時連上堂時間都會變得縮短左，所以朋友問我小朋友學游水邊度好? 我二話不說真心推介史丹福游泳學校。 www.facebook.com/1437ritaandhim 感謝史丹福提供活動體驗，歡迎大家給予意見，如有任何邀稿、出席親子活動或產品試用，請電郵聯絡: ppqq1437@yahoo.com.hk，我的其他15個BLOG分享包括: Instagram, Blogspot, BeautyExchange, Oh爸媽、24partent專家博客, Weshare, she.com, theZtyle, ELLE.com, style-tips, U Blog, Esdlife靚太club, QOOZA, Mybb.com, ClassesWePlay星級blogger, Mamibuy駐站部落客, uBaby Magazine駐站Blogger, OpenRice(級別4)
