近年的韓劇, 廣告同婚紗相都喜歡黎"兩水頭"取景, 睇相覺得環境好優美, 所以特別去睇下。 "兩水" 係指北漢江同南漢江, "頭" 就正因為呢度係兩水的交匯處, 所以呢度叫兩水頭。 兩水頭有名的除左兩水, 仲有櫸樹同大相框, 由於仲係冬天的關係, 當日的櫸樹只剩下樹枝, 但相信春夏時應該會有茂盛。而大相框, 簡直就係影相重地, 係唔同的方位影, 相的"內容"都會唔同, 影相影到手軟。 我認為, 呢度都可以係零晨機落機後好去處, 由明洞坐車黎, 都約要個半鐘, 落左機係酒店放底行理, 食埋早餐, 黎到大約十點幾, 早上時間唔會太多人, 點影相都可以, 環境寧靜優美, 呢度都有幾間cafe shop同食肆, 一面欣賞美境一面飲咖啡, 實在係好寫意。 有人話冬天雪景同日落時分黎兩水頭係最靚, 大家可以參考下。 交通方面, 由"洗美苑"的"過舟橋"行過黎, 就係兩水頭啦, 如果唔去洗美苑, 就最由"兩水站"好坐巴士或的士黎, 巴士站名: 兩水里兩水頭양수리무물머리。
