當大阪東京櫻花都未開之際, 靜岡縣河津的河津櫻已經去到"見頃"(意指花朵開得正盛，最好看的時候)的正況, 所以特別去觀賞一下。 由東京到河津, 時間約2個半小時。火車一離開東京範圍, 就已經開始見到櫻花的蹤影, 而且仲有好多柑樹, 樹上的柑大大粒, 成個西柚咁大。終於到河津站, 一落車已經見到櫻花旗幟, 好期待呀。 因為正值櫻花祭, 沿路行去河邊的左手邊有好賣土產, 小食同紀念品的攤位, 而右手邊就已經見到好多櫻花同油菜花, 好靚呀。 終於行到河邊, 河的兩邊都係櫻花樹同油菜花, 顏色唔算太鮮艷, 係淡淡的粉紅色。因為櫻花樹夠大, 所以沿住河邊兩旁的小路都變成櫻花隊道, 好fancy, 幸好當日人唔多, 可以慢慢睇慢慢影。 其實成條河川係好長, 我行左的部份應該只有五份一左右, 如果有時間, 可以一路沿住河川行, 當去遠足都好, 呢個月份去天氣非常好, 空氣好清新, 環境優美, 心情都開鬆啲。 河津的河津櫻已經由見頃開始到散落, 要睇可能要等下年啦。
