旺角鬧市中的一邊軟綿綿的晴空 - MICASADECO & CAFE

瀏覽人數:165
發佈於 2020.05.28

最近比較少出街食飯, 也算是因為疫情的關係吧, 不是因為限制令什麼的, 而是我的本行 (醫療相關行業) 因為疫情下忙得不可開交, 連飯也沒有時間吃, 現在疫情叫做穩定落嚟, 我終於可以享受我的晚餐.

 

 

要好好犒賞自己, 當然要慢慢嘆番我最喜愛的甜品作為我晚餐的一部分啦, 一啖啖軟綿綿, 就像雲朵一樣鬆軟無比, 彈下彈下的梳乎厘班戟, 啊~ 好耐冇食過咁好味的甜品~

 

其實是晚我和相公兩人 (兩位都是由二月開始OT 到發瘋的兩人 > <)終於有機會一齊出街撐枱腳, 就來到位於旺角朗豪坊的MICASADECO & CAFE, 入去之前都要量度體溫, 職員都很體貼的給我們用酒精搓手液清潔雙手

 

我們就叫了個二人套餐 (HKD388) , 有前菜, 餐湯, 自選兩款主菜, 甜品一款及飲品兩杯, 我就叫了個熱的mocha咖啡 (加HKD20), 看見這個靚靚的拉花, 有啲唔捨得飲佢添, 飲了啖, 朱古力咖啡香味濃郁

 

相公就叫了杯焙茶鮮奶  (加HKD20), 茶葉味濃郁, 令鮮奶帶出甘香的味道, 而且相公說茶的味道好少在香港其他地方可以飲到, 好特別呢~

前菜是白湯及煙三文魚牛油果沙律, 分量都頗大, 煙三文魚厚身之餘油脂感十足, 加上沙律本身配以沙律醋等酸性來中脂感, 加上牛油果本身都是較有飽肚感的蔬果, 所以我食完都有啲飽飽哋

在店員的介紹下 我就叫了這個海膽汁黑松露意粉 (+HKD10 升級), 陣陣黑松露的香味撲入鼻腔中, 與充滿著濃郁的海膽汁, 加埋一齊, 沒有誰蓋過誰, 反而將大家彼此的優點更為提升, 同事令這個意粉的格調提升了不知多少倍呢~ 好好味啊~

另外我們叫了日本直送雞蛋卡邦尼意粉, 日本直送雞蛋出名滑而且蛋味出眾, 配上卡邦尼意粉是不錯的配搭, 不過當相公先食了海膽汁黑松露意粉後才吃這個卡邦尼意粉, 卡邦尼意粉瞬間給比下去了, 因為味道上當然沒有前者那樣 '搶鏡' 的說, 但如果好似我咁, 先吃卡邦尼意粉, 其實味道也不錯啦~

 

最後主角嚟啦, 焦糖梳乎厘班戟 (+HKD58 升級), 除了配有焦糖醬可以給大家配吃梳乎厘班戟外, 旁邊另有海鹽Cream 及Earl Grey Cream, 鬆軟無如雲朵一樣的梳乎厘班戟, 但質感絕不會像雲風一樣, 食落去充滿住質感, 而且帶有蛋香味道, 一口點上焦糖另一口點上海鹽Cream 或Earl Grey Cream中和焦糖的香甜感覺, 加上幼滑的海鹽 cream 及Earl Grey Cream, 那就令到整個梳乎厘班戟味道層次大大提升啦~

 

旺角, cafe, Micasadeco, 梳乎厘班戟

 

最近比較少出街食飯, 也算是因為疫情的關係吧, 我的本行 (醫療相關行業) 因為疫情下忙得不可開交, 現在疫情叫做穩定落嚟, 我終於可以享受我的晚餐, 是晚就來到位於旺角朗豪坊的MICASADECO & CAFE, 叫了個Set Dinner 慢慢嘆之外, 當然要試佢地的大熱甜品, 軟綿綿, 彈下彈下的梳乎厘班戟焦糖梳乎厘班戟啦~

 

Micasadeco & Cafe
地點:旺角朗豪坊B2 26-27號舖

*本站之內容由作者所提供,並不代表本站的立場。因此本站對所有博客的立場、真實性、準確性及完整性不負任何法律責任。

相關話題

收藏此文章
  • Facebook分享
  • WhatsApp分享
  • Line分享
  • 複製連結

發表評論

{{commentText.length}}個字
全部評論 {{comments.length}}

作者最新文章

更多美食文章推薦