懶人懶到你~~連用手拎都唔用 靠口水黏住係口就食 我地去左南昌公園,好近MTR南昌站都幾方便 而且對面有一個商場仔 可以買到現成既飲食~~再想買軀蚊產品都可以補到飛 公園配套都唔差 有洗手間,跑步徑,大草地,涼亭,公園遊樂設施 帶張地墊,野食飲品,咁就可以玩樂大半日 亦都係放電好地方~~ 不過一提~~~真係要有好強既防蚊裝備呀 好多好細既蚊之仔 最好係大細型既都預備一下 大型既放係地墊到 小型既扣/貼/搽係身 星期6日都唔太多人 可能地點唔係太多人知 全場都應該冇20個小朋友 所以草地同遊樂設施都唔需要掙 草地位有D係直接曬到應一應嫁 有4,5成就有樹蔭位 所以有陽光都唔會曬到傻 垃圾桶唔太多,唔會人人身邊都有一個 所以黎之前自備一兩個大膠袋FOR裝下垃圾 咁走果時先一次過拎去掉就唔洗行來行去咁多次 圍住個公園仲有緩跑徑亦都有小朋友係到踩單車 唔會太多人,所以都幾安全,而且冇斜路只係平路都唔錯