最近留意到深水埗有間新開嘅火鍋，依家天氣涼涼地，最適合瘋狂打邊爐，於是我二話不說就book咗枱去食😂 呢度環境闊落，餐廳兩旁都係卡位，而座位與座位之間都幾寬敞，坐得舒服，唔會迫。餐廳仲有唔少特色嘅霓虹燈牌，啱晒打卡。另外睇menu時發現，原來佢哋除咗晚市打邊爐，早午市係做點心。 喺火鍋開始之前，送咗一人一隻大閘蟹，仲細心配備埋薑茶。 大閘蟹入面好多膏，好鮮甜呀！點擊圖片放大 📣滋潤百姓湯$338嚟到呢度當然要試吓佢哋嘅招牌湯底💁🏻♀️滋潤百姓湯，湯底非常足料，有半隻老雞、半個哈密瓜，豬骨、大量花膠同螺頭。上枱時湯底已呈乳白色，夠哂火喉！我哋每人起碼飲咗三四碗先捨得加湯打邊爐！呢個湯夠晒滋陰潤燥，入口清甜，味道濃郁！絕對令人回味無窮！ 另外要讚下呢到嘅服務，店員們都熱情細心，除咗介紹我哋呢度嘅特色湯底，仲提我哋飲咗頭啖湯先開始打邊爐，又好細心咁幫我地剪好湯料，方便我哋食。 📣香酥墨魚脆$68呢個餐前小食亦都係不能錯過！脆卜卜嘅油炸鬼包住厚厚手打墨魚膠，墨魚鮮味彈牙！配埋泰式辣醬，真係食到停唔到口！點擊圖片放大 +3 📣招牌四寶丸$98次次去親打邊爐都會試吓佢哋嘅手打丸，叫呢個招牌四寶丸就最好，一次過可以試哂四種唔同味道，包括有鮮墨魚丸、鮮蝦丸、豬肉丸、牛丸，一食就知足料，質感結實彈牙，鮮味可口！ 📣自家製四拼餃$98同樣以月亮碟上菜，啱晒影相打卡🥰四拼餃包括：招牌水餃王、鮮蝦雲吞、特色黑松露餃、韭菜餃，自家製嘅餃子果然特別飽滿大粒，餡料充足！餃子入面嘅蝦肉非常彈牙爽口！黑松露餃嘅黑松露香氣十足，最得我心。 📣美國頂級肥牛$138點少得打邊爐必備嘅肥牛！肥牛油脂分布平均，口感嫩滑，入口油脂甘香，牛味濃。 📣牛脷花$88賣相精美，用牛脷砌成嘅花，顏色粉嫩吸引！只需淥幾下就食得，肉質好有彈性！爽口！點擊圖片放大 📣日本黑豚肉$108薄薄一片，肉質細嫩冇肉渣，食落嫩中帶脆，而且肉味香濃，味鮮冇肉腥。 📣竹蔗茅根$48好足料嘅竹蔗茅根，味道清甜。 今次我哋兩個人嚟，叫唔到咁多食物，但其實仲有好多款我哋都好想試！呢度性價比好高，湯底同食物都好高質，下次一定要約多幾個朋友再嚟食過！
