今次去曼谷除咗去JJ Market買衫之外，亦都入手咗唔少美妝品～ 今次就同大家分享下幾件好用嘅泰牌彩妝品！ 1. Baby Bright x Winnie the pooh彩妝系列 本年度其中一個話題性彩妝系列就要數到泰國著名大牌KARMART旗下的Baby Bright同Winnie the pooh嘅聯名彩妝！作為小熊維尼fans嘅Nuts當然唔會錯過啦～系列有唇膏、唇筆、眉筆、粉餅等等，而Nuts今次就只入手咗唇膏同唇筆。印有Winnie the pooh & friends嘅書本型包裝已然好吸睛，極具收藏價值！ 唇膏有3套可選，每套包含兩支霧面唇膏，Nuts就揀左#01 Forever Love + #02 True Love套裝。 唇膏非常的骰小巧，帶出街都好方便。另外，顯色度同持久度都唔錯，係略嫌有小小顯唇紋。不過價錢非常平，只係152B (約HKD$36)咋! 而Duo Honey Lip Pencil & Liquid Lipstick採用雙頭設計，一邊係眉筆，一邊係染唇液，兩樣都幾出色。Nuts買嘅係#03 Rosy Pink，售價係170B(約HKD$40) 。 官方本身話系列喺泰國7-ELEVEN有售，但Nuts行咗好多間都唔見有，最後係喺BTS SIAM站外KARMART專門店搵到，有興趣可以留意下。 2. MISTINE眼線液 MISTINE呢個泰國牌子大家應該都唔陌生，而Nuts亦都回購過佢出品嘅Mistine Maxi Black眼線液幾次! 一大賣點就係佢CP值夠高！每支價錢約HK$30，可以用到好耐。官方話佢主打顯色+防暈+防水，而超細筆尖仲可以避免眼線畫得過粗。Nuts個人就覺得佢顯色度同防暈染都做得唔錯，出街曬足全日條眼線都唔會溶，夠持久！至於防水方面就一般，因為Nuts試過用完佢再玩水上活動，條眼線都係會化架… 不過提提大家，喺曼谷唔同市集嘅地攤都見到有呢款Mistine眼線液賣，但就唔知係咪正版～所以都係建議大家去Mistine專門店或者Watsons、Boots購買。 3. Beauty Cottage 眼影 本來係想去Beauty Cottage買網上大推嘅唇膏，但去到試過又覺得佢嘅唇膏比較乾，最後轉戰眼影。 走復古少女路線嘅Beauty Cottage包裝設計已見心思，眼影上更有美美的壓花。 佢出品嘅眼影相當令人驚喜！顯色度同持久度都相當高，珠光色超.級.靚～Nuts好後悔冇買多幾隻色返香港～～～價錢已經忘了，大概HKD$20-30的價位吧！ 4. Srichand Translucent Powder蜜粉 相信這款蜜粉應該有不少人推介過，同樣CP值超高，而且喺泰國7-ELEVEN輕易搵到，用嚟做手信都唔錯！ 蜜粉包裝走復古路線，最近仲有迷你版賣，細細粒啱晒拎出街補妝。 呢款蜜粉粉質好幼滑，推開後會變透明，而且吸油力極強，適合夏天用！大盒裝價錢大概都係hkd$40-50左右，抵玩！ 2018曼谷之旅相關文章： ►新手行前準備篇(電壓/換錢/交通) ►湄南河西岸最美寺廟—黎明寺(Wat Arun)+ 乘船攻略 ►湄南河畔浪漫FUSION餐廳—Eat Sight Story ►食物、裝潢都超美！適合拍照的粉色Café ============= 想看更多內容可追蹤Nuts～ Facebook : https://www.facebook.com/daydreamingnuts Instagram : https://www.instagram.com/hazeltang/ Openrice : https://goo.gl/LF6p97
