我諗The Ordinary呢個牌子應該冇人唔識嫁啦~? 佢係一個加拿大天然既護膚品牌子黎，主打平價同天然。 而我一向用開都係天然既產品，對佢既評價只可以話不過不失… 我買左佢4個產品黎用，夾埋可能唔洗300蚊，我平時買開既天然護膚品都300幾一支… 我買左果酸換膚、有酸性成分既爽膚水、透明質酸保濕液同primer… 佢呢個牌子所有護膚品做到好多高保濕…但都有缺點…1.果酸換膚因為覺得係美容院做好貴又要book時間好煩，所以平平地試下買呢支，而我係用落係手臂同塊面到既。 果然，美容院始終有佢既存在意義，護膚品都只係日常保養。首先講下我塊面既用後感: 有少少將底層污糟野推左出黎(不過好似有d唔夠力咁)，feel到係推左出少少但又冇完全出黎…變左暗粒咁; 手臂: 可以話係完全唔work，可能我成日r佢有傷口，搽上去係非常之「那」，使用左3個月，每兩個星期一次，發現手臂上既粒粒仍然係到… 可想而知效果係….零，都係搽返面啦(雖然佢本身唔係for身體)。 2.含酸性成分的既爽膚水 原本冇留意佢係含酸性，當左佢係普通既爽膚水用，用左一排覺得好奇怪，點解用完上妝會甩皮同好乾咁，後來發現佢係酸性…於是我又試下用落我手臂上面敷…神奇既事發生了。 d粒粒變硬左，仲要有甩到添! 但係敷完要記住保濕，由於佢都算幾勁，所以我冇成日用佢。 有少少技巧既提提大家，敷既時間要揀得岩(每個人都唔同)，一開始可以試下5分鐘先，冇咩反應就敷多5分鐘~ 始終唔係專業既美容師，所以我既方法係只限我分享既感受黎。3.透明質酸保濕液呢個產品令我又驚又喜! 一搽上面我feel到有浸椰子味，一推開有d白色(捽勻左又覺得好保濕好吸收)，皮膚吸收完，表皮唔笠之餘仲要一啲都唔乾! 問題黎啦!時間耐左，我塊面上面浮現左好多「白色皮」咁既野… 我以為係我推唔開所以咁，當我抹甩D白色皮，過左一陣又出現…最後我就洗面訓教… 如果係屋企搽就算啦…但係想化妝前搽就不了… 一定會俾人笑… 4. Primer呢樣產品用兩次我就掉左… 原因就係，搽完之後FEEL到好吸收好保濕，到上粉底既時候…原來我係用化妝掃上既…一掃就出現擦子膠碎…搞到我整係抹D碎都耐過我化妝時間。 第二次，我俾多次機會佢，我用氣墊上妝! 點知印左兩下…又出擦子膠碎… 究竟呢個Primer係咪真係for擦上面嫁…? 好失望!其實呢個brand係護膚品入面黎講叫做不過不失，某一啲product係叫做性價比高但某一啲product真係好差… 如果唔想試太多牌子護膚品既懶人們，我建議直接去美容院搞/買美容院用既牌子就冇死哈哈! 歡迎大家留言介紹一下你地覺得好用既護膚品同做得好既美容院~^^
