最近有好多人問我究竟黎美國搵野做既方法。 原來好多人，在香港有一份非常唔錯既工作，但做左幾年後就好想離開香港倒模般的生活， 出國體驗生活同工作。 但原來唔係個個都有興趣去澳洲Working holiday, 紮水果, 做農場之類既「打工」工作，過著悠悠閒閒既田園生活； 而係想搵一份同自己專業事業有關既工，養活到自己，又唔會斷左自己職業道路，但又可以體驗到外國生活。 所以今日決定同大家盡量簡單分享下，希望可以幫到你們： 關於J-1 Internship/Trainee Program: 對唔住，美國是沒有Working Holiday的。如果想用Working Holiday Scheme 去英語為母語既國家，就只有加拿大、澳洲、同紐西蘭。 所以我是用另一個美國既program過黎的，叫做J-1 Internship/Trainee Program。 故名思義，係用Internship實習生「過來做工作實習或培訓」既名義黎美國工作一段時間。話到明係Internship，就姐係你會做一份同你本身讀書主修、或同你做既本行有關既工作，將你在學校所學既知識運用到職場上，或令你在本身工作既行業得到專業知識進一步提升。 所以係一個比較職業導向既Program。 你工作既環境會係一間公司、一個office，會有一個職位比你，有固定既上班時間，有上司同事，請假要同上司申請，像一個普通僱員一樣。 而唔似Working Holiday咁，要錢就自己找份工作；賺夠錢就可以說走就走，去玩、去旅行。 同Working holiday 相同之處： 都受一個政府監管既Program，目的係為左令外國人可以體驗美國文化。 同Working holiday 不同之處： 形式有少少唔同，佢係透過比你一份固定正職，與美國人一起上班共事，除左了解美國文化外，亦可以學習美國企業既工作及管理方法。Program時間有多久，在那家公司的固定職位就要工作多久，而不是像WHV這樣做滿一般時間就要/可以隨時辭職或轉工。 關於參加要求： 基本要求：有大學學位 （未畢業或已畢業） 未畢業或未畢業滿一年的人：不要求工作經驗，但當然有就最好啦！:) 最多可申請12個月。 畢了業及有1年或以上相關工作經驗：最多可以申請18個月。 如果無大學學位，就要有５年相關工作經驗，先可以申請啦！:) 其他附帶條件： 你想申請既工作一定要同你既本身既大學主修及工作經驗相關的。 當然英文要好啦 :) 最少要能夠面對外國人同事英語溝通工作無問題! 有齊呢d條件大部分就當有資格申請嫁啦。 當然唔一定係有保證可以申請，仲有好多時都視乎你既大學科目範疇，有ｄ科目例如醫學系，法律系，呢個Program就唔岩你了！但一般大學科目都okay既! :) 係既，條件真係比WORKING HOLIDAY難D, 單係要有大學學位呢點就已經好多人參加唔到。但因為呢個係比較職業導向，要在一間正正式式既企業工作，當然要求同Working holiday唔同。就好似一間公司對請Marketing/ Business Admin既要求，同一個小餐廳請Waiter既要求都唔同。 關於 簽證/Sponsor： 個簽證叫J-1，係比交流學者申請既 (無論係交流學生或實習生)。 而呢個簽證係有配額既。 什麼叫Sponsor? 之前有讀者問過，而家解釋多少少。 Sponsor既意思其實 係指一間美國政府指定機構，有權利可以用特定配額出政府文件，讓你可以去領事館J-1簽證。 另外亦可以指幫忙出政府文件讓你可以申請簽證, 哩個動作。 例如話，我而家工作既文化交流機溝，就係一間Sponsor，可以Sponsor你簽證，即係可以幫你出一份政府文件，等你可以申請簽證。 而不是指，你既簽證費用都會被贊助呀 lol 同Working Holiday不同之處： 呢個Internship Program係要有美國公司既一個工作Offer，你先可以去領事館申請簽證來美國；而唔係去左領事館申請左簽證，黎到美國先搵工。 (美國國慶日時拍下的空軍飛行表演照片) 所以如果真的有興趣過來美國嘗試工作同生活，大家可以嘗試以下方法呀 :) !! 你可以聯絡我：其實我係在哩間公司Internship部門度工作, 所以你可以係我哩邊度試下。 而我間公司除左 Sponsor簽證，都可以幫手搵埋工 (但當然要收費了! lol)。所以對於一ｄ在美國冇門路可以自己搵到工既人，其實係一個好選擇。 我Facebook Page同blog有時候都會收過一D讀者訊息問我，點樣可以係度搵到工。(原來都有唔少人想黎美國工作嫁….) 如果你地有興趣都可以FB留言比我呀 =) 我在這個部門工作, 所以可以幫手比d Idea你地可以點做。 (www.Facebook.com/BeanInMi BEAN IN MI 豆豆在米國 ﭢ 港女美國工作生活日記 OR 可以email我: BeanInMi@gmail.com) 你們今天like了我的FB fans page沒有呀? www.Facebook.com/BeanInMi Bean In Mi 豆豆在米國 ﭢ 港女美國工作生活日記 ************************************************************** Update from 3/13/2016 新開設FB專頁!! Go Abroad USA 美國夢⋆文化體驗⋆探索世界 Please "like": https://www.facebook.com/GoAbroadUSA/ 我從美國回到香港後，由於是公司較少數的亞洲人／華人，所以我的美國同事們很鼓勵我回到香港後，幫助在亞洲地區對美國交流項目的推廣 ，讓多一點在亞洲地區，有夢想也有能力的人可以來體驗美國生活喔。 所以終於成立了Go Abroad USA, 要向這個目標/方向：在香港及其他亞洲地區，幫助一些想去美國工作、生活的人找工作及申請簽證。 Go Abroad USA現正投入服務！因此，也很想到美國工作的人，可以進來看看喔。 ****************************************************** 來到這家文化交流機構工作後，我發現原來「世界那麼大」， 每個國家還是有很多exchange program讓外國人可以一嘗在當地工作生活的滋味。 出路那麼多，想出國體驗的你，還有什麼藉口拖延自己的「外國夢」？ 上一篇回顧: 我的ABC男友: ABC對CHINESE FOOD 和 CHINESE RESTAURANT的理解 相關文章： 美國打工日記 - 我的 外國人屬「主流」、美國人屬「少數民族」的公司 我的幸運故事：我的「美國夢」 實現了！ 從辭掉香港工作、到台灣旅遊、得到工作OFFER後10天趕急準備飛奔美國 一個香港女生尋找「美國夢」的故事 立刻follow我的FB專頁: www.Facebook.com/BeanInMi BEAN IN MI 豆豆在米國 ﭢ 港女美國工作生活日記
