過左年後...全個人疏懶左... 少左煲特別的湯水俾家人飲... 唔知係唔係因為咁...有報應... 近日...面珠出左好多豆豆... 一定要補補飛...自救一下... 大木瓜半個...去皮去籽...洗淨切件... 豬展三十元...斬件...洗淨...汆一汆水... 雪耳一朵...浸發後...去頭剪碎... 蜜棗一粒...果皮一小塊... 南北杏半碗...南杏北杏比例四比一...洗淨後蒸... 蒸好待放涼後...加入一小撮已洗淨的米... 隨後可以加水打成杏汁... 先用一碗水攪拌...隔去渣...榨出杏汁... 將隔出的杏仁渣再加入水放入攪拌機再打... 重覆兩次...隔出的杏仁渣可以儲放在雪櫃作美容之用... 好似敷面洗面咁... 八大碗水...放入蜜棗...果皮... 水滾後放入木瓜...豬展...雪耳... 中火煲一小時三十分鐘...再轉小火煲三十分鐘... 加入杏汁再煲二十分鐘... 最後略加少許鹽調味... 木瓜加上杏汁...清香撲鼻... 煲出的湯奶白色...好靚...未飲已經覺得滋潤... 飲左肌膚點會唔白唔滑呢... 功夫稍多左...不過...家人飲得開心... 少少辛苦...冇計啦... 唔鍾意飲木瓜湯既蝦子餅要ENCORE... 唔講已經知好飲到不得了啦... 聯絡我 ~ bbg1668@yahoo.com.hk 月兒部落分社 : BEAUTY LIFEBLOG BECB THEXXXXX UBEAUTY F&B ELLE YAHOO SHE QOOZA ASW MYAGE BLOGDB 請大家多多指教呢...