粟米魚肚羹講左好多次...整就第一次... 希望成功啦...希望好味啦... 粟米魚肚羹街外要六七十元一個...幾貴下... 自己製二十元有找...差好遠... 粟米湯一罐... 魚肚十元...大約一両...用水浸至淋身後洗淨... 切細細粒...再用薑...葱汆水...去除腥味...隔水待用... 雞蛋兩隻...略略發勻...保留食落的滑滑口感... 少許粟粉加半杯水攪拌打芡... 粟米湯倒入煲...加入一又二分一罐水...攪勻... 用小火煲...微微熱就加入魚肚粒... 隨後加少許胡椒粉...少許鹽... 轉用中火煲至滾...滾五分鐘左右... 試一試味...唔岩就調一調... 岩就放入生粉水埋芡...滾起熄火... 慢慢逐少加入蛋汁...用筷子輕拌...起蛋絲就得啦... 滾湯以外...一個平靚正既選擇... 如果鍾意粟米...買多兩三元加落去都得架... 粟米魚肚羹獲得我家大小一致好評... 下次可以ENCORE...不過... 唯一要求...加多少少粟米...
