「心事怡」 好多人都話 女人真係好麻煩 中意講是非 又成日嫌三嫌四 咩都8一餐 我認 我都係其中一份子 但個人覺得 一班女仔喂喂喂 真係咩都會講餐飽 只要唔影響到人，其實良心上同行為上都唔會有咩大問題同影響 但！姐最近真係遇到個「高人」 雖然搶朋友依個term係好娘好小學雞好幼稚 但感覺就係被搶既感覺 當你見到自己身邊既親一個又一個被奪去，同時依個人仲要講是非程度去到一個高鋒位 影響到人，影響到身邊親密既人，個下真係想打佢一巴 無他的，想自己可以取代到自己 就連我對朋友既nickname都可以由佢把口照嗌既時候 個種感覺真係好難受 係比失戀更加難受 但同時就會諗，如果你地情比金堅，關係堅固的話，點解人地耍兩三下手段 (其實都唔只兩三下)，就搶走到架呢？ 係咪你地之間一直既溝通呀包容呀體諒呀習慣呀方式呀 其實都令對方覺得唔舒服唔鐘意唔享受唔接受呢？ 最可怕係 如果依一刻對方真係詳列出原因 我係會接受唔到 應該係 唔想接受 自問一直好好的 架又吵過 又好番 但點解結局會係咁？前天收拾書檯既時候 見到一張上年年中既即影即有 真係心都痛埋出黎 有時我會諗 係咪其實自己對依段關係都質疑佢既堅固程度 又可能一早 我是這樣認為的 (韓劇中常用的對白) 但到而家 已經冇信心，往事只能回味 依六個字真係到老都會用得著！ ＃依篇blog一個hashtag都唔想tag亦都唔想tag
