養寵物係對佢地一生一世既承諾，因為佢既眼中就只有奴才你❤ 好多人都會覺得小朋友同毛孩，係不能夠共存的，但偏偏我地就係上年，養左2隻主子，同柏熹同一年出世，一同成長。屋企人曾經都有問我，怕唔怕小朋友出世會敏感阿等等等等既問題，好慶幸佢地都明白同諒解我，我反而會覺得，咁樣不但會令到小朋友會有愛心同學識要承擔責任✌ 對於照顧主子，我都毫不鬆懈，當正佢地bb咁樣湊。到而家為止，我都仲未可以放底佢地出遠門太耐>v<'' 今日奴才我出開去旺角，去左毛起來洗到，為主子增添一啲物資，因為細個既時候都冇幫佢地有刷牙仔既習慣，而用過【毛起來洗】喵口回春潔牙凝膠，每次都要同佢地搏擊一番先刷到牙仔。 今次我就見到【愛貝寵】好口氣益生菌，店員介紹呢隻產品都如同有刷牙效果，專門用左「副乾酪乳桿菌」維持口氣清新，特別加入左天然潔牙礦物「沸石」，幫助清除齒垢，亦都有助於牙結石剥離，而且佢係奶味，容易令主子入口。只要係食物中，加入一匙，可以2日先用一次。 另外，仲買左【汪貓星球】棒棒貓薄荷，100%無農藥，放心比主子享用。 一個下午就玩到佢地攣哂地☻☻☻
