20141223 - 烤爐印度餐廳 今日姑姑同事話一定要食印度野，所以姑姑帶左同事去呢度食 原因唔係因為佢啲咖喱好味(又點係話完全唔好味)，係另有原因架！ 呢間餐廳開係政府既熟食中心入面，我通常lunch去食，食客唔多，可能因為比較多地盤佬食野，少OL黎食啦！不過，如果OL知，應該有幾多人黎食！ (今日姑姑食到一半先記得影相) 咖哩雞，姑姑覺得佢既咖哩比較普通，味道唔濃偏淡(姑姑比較重口味) 咖哩羊，比雞濃味少少，如果食到羊，姑姑建議食羊會香啲 既然姑姑唔推介咖哩，咁點解要黎呢！ 登登登登：芝士薄餅！！！ 唔係講笑，堅好食，最正係啲芝士鋪滿晒係個薄餅中間，食得多又唔膩！ 平均大慨HKD 60.00/人 如果平時午餐就貴左少少，不過間唔中食下都幾滿足架！ 好食指數：8/10 抵食指數：7/10 服務指數：8/10 地址：北角電氣道229號電氣道市政大廈2樓CF5號舖
