相信好多香港人對 饒河夜市 都唔陌生。位於松山區八德路的 饒河夜市 ，是台北最著名的大型夜市之一，每日都有大量遊客慕名而來。饒河街喺滿語入面既意思為「禽獸眾多之地」，又幾應景喎，見到咁多美食，變禽獸流晒口水都人之常情啦！ 交通方面，搭乘綠色線到尾站松山站，1號出口出去直行就見夜市入口。 饒河夜市 毗鄰基隆河右岸，買完野食，去便店利買打啤酒，同三五知己一齊去河邊挨住食，順便去埋隔離條彩虹橋欣賞夜景，都咪話唔浪漫！ 事不宜遲，就等小編同大家介紹下 饒河夜市 不可錯過的特色美食同鄰近住宿！ Source: http://wilburchang.pixnet.net/blog/post/21925719 ▨ 交通 綠色線松山站開通之前，前往 饒河夜市 之主要方式為火車，但自從捷運松山站開通後，搭捷運前往絕對是首選！如果出發地附近無捷運站的話，亦可考慮搭巴士，其實現時台灣Google Map的交通資訊非常完善，尤其是台北呢啲主要城市，只要打上出發點同目的地，Google 就會自動幫你計算出最快的交通方式！小編用過好多次，都相當穩陣，大家亦不妨試試！ ① 捷運：捷運松山新店線（往松山方向）松山站1號出口 ② 巴士：28、53、63、203、204、205、256、276、306、306區、311、518、527、531、605、605副、605新台、622、629直、668、675、678、711、棕1、藍7至饒河街觀光夜市站下車 ③ 火車：可搭火車至松山火車站，由後火車站下車 Source: http://blog.mixflavor.com ▨ 饒河夜市 必吃小食 藥燉排骨、 羊肉 進入夜市行到中間位置，就會見到連續幾間藥燉排骨，非常顯眼，全都主打藥燉排骨同藥燉羊肉，湯頭用上熟地、當歸、川芎、枸杞等多種藥材，相當滋補！沾少少店家特製豆瓣醬，香辣開胃。冬天去的話，食完肉飲埋個湯，即刻成個身暖晒！怕熱氣或藥味的朋友，大部分店家亦有蚵仔煎、魯肉飯等其他食物可供選擇。 Source: http://solomo.xinmedia.com/taiwan/23891 胡椒餅 胡椒餅為台灣傳統小食，主要餡料為蔥、豬肉，加入大量胡椒粉，外皮灑上芝麻，放爐壁烤熟，香脆可口。 饒河夜市 有數家胡椒餅，每家都有各自特色，攤檔都不大，主要集中喺夜市出入口，經過嗰陣記得唔好錯過！ Source: https://snow1.phootime.com/photo/bv0ifi/mqe9xjdh 加賀魷魚大王 此店位於 饒河夜市 的中後段，一樓點餐埋單，堂食可上二樓。店家只賣燙魷魚一味，配合獨門醬汁，另外有蒜頭、沙茶、辣椒等醬料可供挑選，皆可混搭，配搭多元。 Source: http://www.copaw.idv.tw/discuzx3/forum.php?mod=viewthread&tid=64042 侏儸紀醬汁魷魚、啤酒螺 與加賀一樣主打燙魷魚，評價亦不錯，但此處小編真正想推薦的是啤酒螺！因為平時港澳地區比較難搵到此菜式，小編亦是去台灣讀書之後第一次食到！田螺皆已去殼處理好，以九層塔等香料提味，配埋支啤酒簡直一流！ Source: http://mei30530.pixnet.net/blog/post/446095853 同場加映：基隆河邊、彩虹橋 經常去台灣嘅人應該知道，無論咩時候去，夜市一般都逼爆。規模如此大的 饒河夜市 自然不例外，就算比你排隊買到野食，都好難搵到位坐。根據小編個人經驗，最好買齊野食同酒水，到隔離基隆河邊吹住河風坐hea住食。唔夠皮的話，仲可以走上彩虹橋，眺望沿岸景色，仲有玩Pokemon的人亦可以順道捉下精靈（真人真事，小編就喺河邊捉左隻水伊！） 朝早有時間的朋友，更可以於沿基隆河岸自行車道邊踩單車邊欣賞風景，非常寫意。傍晚啱啱好踩到夜市準備開餐！冇單車唔緊要，台北市捷運站外面基本上都有Ubike租借，非常方便！ Ubike租借點資訊：http://taipei.youbike.com.tw/cht/f11.php Source: https://zh.wikipedia.org/wiki/%E5%9F%BA%E9%9A%86%E6%B2%B3 Source: http://prolog.pixnet.net/blog/post/27268074 飲飽食醉，冇理由無雷公咁遠搭車返去㗎！最好梗住喺夜市附近，飲到啤啤呼就即刻走上床訓覺，咁先人道㗎嘛！ 離 饒河夜市 最近的幾間住宿都偏高價，對學生或小資族嚟講可能有些小負擔，但唔洗擔心，其實遠幾步的地方就有好幾間平價住宿，啱晒慳錢一族！跟住就同大家介紹一啲離夜市唔會太遠嘅平靚正民宿，等大家食得開心，玩得盡興～ ▨ 饒河夜市 低價住宿推薦 １| BEST LOCATION – XINYI Studios 位於信義區的BEST LOCATION離 饒河夜市 15分鍾路程，雖然唔夠近，但勝在價格親民，房間亦相當簡約舒適，以木質傢俬為主，充滿家的味道！雖則平價又位處市區，但房間絕對唔細，仲設備齊全，不止有書枱，仲有大衣櫃同置物櫃，唔會要你住劏房！ 價格： Best Location - 1 TWD 1,400 起 （HKD 348 起） 精緻套房 - 2 TWD 1,500 起 （HKD 373 起） 特色： ☑ 適合散步或是騎單車的彩虹橋河濱公園/錫口碼頭一公里 ☑ 步行3分鐘至後山埤捷運站一號出口 >>更多 饒河夜市 住宿 >>更多台北住宿 ２| I-domino 101 距離 饒河夜市 大概3分鐘。公寓式的旅宿，只提供一個四人房型，適合一家大細或三五知己。房間設備齊全，有洗衣機及廚房，全都非常新穎，房價約 $3280，四人入住的話，一人才折合港幣 $800左右，CP值相當高！ 價格：看101-四人房 TWD 3,280 起 （HKD 815 起） 特色： ☑ 近松山捷運站2分鐘, ☑ 面對饒河街夜市,五分埔商圈5分鐘 ☑ 台北101信義商圈10~15分鐘 ☑ 生活機能豐富，應有盡有 >>更多 饒河夜市 住宿 >>更多台北住宿 ３| 阿非小屋AFEI Cozy House 位於信義區安靜巷弄，步行至饒河夜市約15分鐘。色調以淡色為主，畀人一種放鬆的感覺，而且窗多透光好，空間非常明亮。提供兩個雙人房型，都只是 $1500，除開每人港幣 $800有找。民宿是四樓老公寓無電梯，行李多的人要注意了。 價格： Room 「嵐」-雙人房 TWD 1,500 起 （HKD 373 起） Room 「濦」-雙人房 TWD 1,500 起 （HKD 373 起） 特色： ☑ 適客房位於信義區安靜巷弄之內，近101、市政府轉運站、捷運板南線。 ☑ 「這裡是四樓公寓，沒有電梯，也不提供毛巾、牙刷、牙膏個人衛生用品喔」 >>更多 饒河夜市 住宿 >>更多台北住宿 ４| 旅行的意義—永春二館 民宿位於永春站，離 饒河夜市 有段距離，但依然行路可達。公寓有大量復古擺設，Vintage迷有福了。公寓無房型之分，只可一次租成層，共有一個房間，內有2、3張雙人床，好處是一次只接一組客，成層都係自己嘅，夠晒私人空間！要注意公寓喵星人出沒，怕小動物的人可能不太適合了。 價格：包層-四人房 TWD 3,000 起 （HKD 746 起） 特色： ☑ 天台可看得到101 ☑ 樓下是永春捷運站出口 ☑ 會有貓咪在房裡走動喔，房間為老公寓5樓-無電梯 >>更多 饒河夜市 住宿 >>更多台北住宿 ▨ 結語： 旅行除了遊景點，食美食，其實住宿亦是一個體驗當地民情的好方法。年輕人無錢住唔起酒店陰公？我話住到Local既住宿好彩！好多時候鍾意住豪華酒店的長輩無法理解我地究竟點解明明夠budget都要住民宿。其實只有年輕人先知道，住民宿，先係最貼地！ >>更多 饒河夜市 附近地道民宿 >>更多台北住宿 延伸閱讀 【揪是要住士林夜市】超夯！觀光客必逛！士林夜市住宿懶人包！ 【揪是要住師大夜市】食尚與時尚的天堂！師大夜市住宿大集合！
