去台灣又點少得夜市？台北當然出名夜市多，但其實離台北僅1個鐘車程的宜蘭，亦是非常出名的夜市集中地。其中人氣最旺的莫過於位於羅東鎮中央、中山公園旁的 羅東夜市 ！去羅東，搭客運可算是最方便的方法，羅東轉運站就在市中心，直行轉彎就到 羅東夜市 ，好多知名景點亦在附近，可謂極為便利。 羅東夜市 全年無休，而且營業時間較長，深夜更有隱藏版美食，絕對愈夜愈精彩！跟住落嚟就等小編同大家介紹吓 羅東夜市 必吃小食同優質住宿啦！ Source: http://www.ptd1111.com/eating_life_01.aspx?num=28&kind=7 交通 從台北出發去羅東的話，搭客運算是最方便實惠的方法，如果從桃園機場出發，就必須先前往台北車站再轉客運或火車。客運的話，從台北車站出發，1個鐘多少少就到達羅東，羅東轉運站就在市中心，穿過火車站直行轉彎就到夜市。車站附近亦有許多租車行，需要租車的朋友可參考。此外，亦可選擇搭火車，在羅東站下車，亦係出站直行掟個彎就到 羅東夜市 。 羅東夜市 必吃小食 三星蔥系列 宜蘭三星鄉出產的三星蔥為當地最出名的特產之一，不但蔥味濃郁，更可以生食，甜而不嗆， 羅東夜市 美食自然好多都用到佢，包括三星蔥餅、三星蔥肉串等等，趁熱大啖咬落去，滿口濃郁蔥味！雖然大部分攤位都要排隊等候，但咁有特色的美食，排耐啲都抵！ Source: https://www.mobile01.com/waypointtopicdetail.php?f=209&t=4227540 包心粉圓 所謂粉圓，其實就是港人熟悉的珍珠奶茶入面的珍珠，而包心粉圓就是入面包餡的珍珠，相當有特色！ 羅東夜市 裡面的包心粉圓創始店本來得一間，但因老闆同老闆娘意見不合離婚，老闆娘另起爐灶，老闆嗰間改名做「晶圓包心粉圓」，老闆娘嗰間則變咗做「魏姐包心粉圓」，兩間評價不一，亦有人話兩間一樣好食！大家去到亦不妨比較比較。 Source: https://www.flickr.com/photos/xalekd/5534862508 卜肉、糕渣 想一嚐傳統古早味，絕對唔可以錯過宜蘭的卜肉同糕渣！未去過宜蘭的人可能對呢兩種食物比較陌生。卜，在蘭陽台語裡的意思是「炸」，卜肉就是豬里肌肉去筋去肥切成條狀油炸而成，香而不膩。而糕渣則是由雞、豬肉與魚漿加水煮成的濃湯塊油炸而成，口感似炸牛奶，外冷內熱，十分特別，更曾經喺總統府招呼外賓的菜單上出現過！有機會去羅東的話，絕對不可錯過！ Source: http://iphone4.tw/forums/showthread.php?t=192446 臭薯條 臭豆腐就聽得多喇，臭薯條你又聽過未？近年在 羅東夜市 吹起一陣臭薯風，臭薯條其實就是臭豆腐的變體，是將臭豆腐炸成條狀，再淋上風味醬汁如芝士醬、蜂蜜芥末醬等，再喺旁邊加上台式泡菜，創新之餘又有台味，難怪成為近年 羅東夜市 的新寵兒！ Source: http://rufu90229.pixnet.net 深夜隱藏版美食：幽靈油飯 油飯是台灣古早美食之一，同廣東的糯米飯類似。但點解叫幽靈油飯呢？因為佢營業時間超級不固定，只知道晚上11點開始，但唔知邊日開工！想遇到大概只能靠緣份。雖然極度神秘，但依然好多人為佢著迷。油飯粒粒分明，搭配祖傳醬料，齒頰留香；魚丸湯台幣20元、折合約港幣5蚊雞，足足有3粒包肉的魚丸，足料夾抵食，宵夜首選！ 地址：宜蘭縣羅東鎮中山路三段268號 Source: http://nickhow.pixnet.net/blog/post/393982922-%5B 羅東夜市 周邊住宿推介 得個睇字有乜癮？係時候睇下周邊住宿，擇個吉日出發覓食！ 玩夜市最緊要住得近，邊個想食飽飽之後要越過高山越過谷先返到去覺覺豬？以下為大家介紹的住宿，全部離夜市唔超過五分鐘腳程，食飽走上樓吹下水睇電視玩陣牌，肚餓又落返去繼續食，一個字，嘆！ F 彩虹樹—羅東館 民宿位於 羅東夜市 旁的巷弄，步行至夜市只需3分鐘，雖然位在夜市旁邊，但完全唔嘈吵！裝潢走淡雅文青風，房間乾淨溫馨，每間都備有梳化，寢具全都是MIT(Made in Taiwan)，保證住得安心！民宿價錢合宜，房型多樣，由雙人房到包棟10人都有提供，最啱一家大細朋友仔出遊。 地址：宜蘭縣羅東鎮浮崙巷 價格： 雙人房 TWD1180起 HKD295起 四人房 TWD1980起 HKD494起 包棟（10人） TWD5100起 HKD1273起 特色： 1.羅東夜市步行3分鐘 2.免費停車超方便 >>更多 羅東夜市 周邊住宿 F 趣 羅東夜市 民宿 價位親民，離 羅東夜市 只有2分鐘腳程，房型選擇多，風格簡潔多樣。每個房間都設有獨立衛浴，更備有公共廚房，方便喜歡下廚的朋友一展廚藝！ 地址：宜蘭縣羅東鎮中山路三段 價格： 雙人房 TWD1300起 HKD325起 四人房 TWD2500起 HKD624起 特色： 羅東夜市 步行2分鐘 >>更多 羅東夜市 周邊住宿 F 羅東馥蔓香草民宿 離 羅東夜市 步行僅３分鍾，極為方便，隔音效果好，就算位處夜市旁邊亦不會吵雜！房間房型眾多，裝潢精緻時尚，其中以峇里島為主題的房型運用大量木質元素，搭配奇特的裝飾及家具，充滿異國風情，極具特色！ 地址：宜蘭縣羅東鎮民權路167號 價格： 雙人房 TWD2200起 HKD549起 四人房 TWD3600起 HKD899起 特色： 多種房間風格提供選擇 >>更多 羅東夜市 周邊住宿 F 浮華四季B&B 離 羅東夜市 步行僅３分鐘。走華麗精品路線，價格稍比前幾間高，但相對地房間非常寬敞精緻，設備完善，有室內停車場，頂樓有露天庭院以及水幕玻璃屋，更有娛樂設施如桌球、乒乓球等。此外，早餐亦十分多樣化，有魯肉飯、肉羹等，民宿會從外面買回，可選擇送到房間，亦可到頂樓邊睇風景邊享用，服務非常周到！ 地址：宜蘭縣羅東鎮中山西街7號 價格： 四人房 TWD3600起 HKD899起 六人房 TWD5400起 HKD1348起 特色： 在宜蘭的第二個家，還有大型按摩浴缸 >>更多 羅東夜市 周邊住宿 結語： 宜蘭咁多景點，夜市咁多美食，相信短短2日係絕對試唔晒，一於預返3日2夜，去埋附近的梅花湖，或者踩單車遊冬山河，體驗下宜蘭人的慢活生活，夜晚就去 羅東夜市 試盡特色小食，相信一定會有不一樣的體驗。 >>更多宜蘭住宿 更多宜蘭精選住宿： F 羅東夜市 住宿 F 東山河住宿懶人包
