餐廳裝修日本風十足，主要以木為主，顯得簡潔、明亮、乾淨、整齊。 晚餐選擇好多，而我覺得套餐比較划算，又可以優惠價追加小食。 石燒吉列霜降牛小排 $178 配日本米飯//溏心蛋//凍檸水 牛小排油花同肉既比例好好，經石燒後既吉列外皮比原先更加香脆，牛肉味香濃無比，仲有肉汁添。 . 和牛壽喜燒 $188 配烏冬(小) //凍檸水 壽喜燒既醬汁鍋底好惹味香甜，牛肉份量又多，配料有金菇、香菇、菜，烏冬好煙韌彈牙，飽到食唔哂。 . 小食追加： 蜂蜜牛油粟米$18 非常香甜，粒粒爽脆，不過甜左少少。 芝士年糕(2件) $28 厚燒鰻魚玉子(3件)$38 鰻魚、芝士、蟹籽 同埋蛋都好香好足料，仲有黑松露魚籽配沙律醬點埋一齊食，超正。
