今次快閃宇治，下午趕飛機返香。 揸車黎到宇治只係為左食中村藤吉 。導航set好左電話號碼，去到先知原來係工場電話。 好彩cafe喺附近，即時google map。 如果唔揸車，坐JR去到奈良線宇治駅行一分鐘就到。 11點先開門，入到去先填登記簿，10點幾已經排到第114個，係咪真係咁好味呀。。。。 雖然香港都有中村藤吉，但一直未食過，因為價錢太唔合理。。。 登記完又未食得，去外面睇下有咩綠荼野買，再去車站附近拎地圖睇下附近有咩行。 準時11點返到中村藤吉本店，終於開始叫位入去，但入得好慢。決定行一個鐘先返黎。 如果唔想等，可以去附近平等院店，10:30開門，無咁多人排隊。 我地既然登記左，所以都係去返宇治果間。 趁未食得，行去世界文化遺產平等院kill time。 沿途好多小店，平等院表参道有好多綠茶野賣，想慢慢行，可惜無時間。 平等院原來要收費，600円。如想參觀鳳凰堂內部要提早預約，加300円。 上午9:30起開始入內參觀，此後每20分鐘放行1次，每次限50名觀眾。 平等院比想像中大，室內有好多歴史遺物，唔俾影相。 點擊圖片放大 好快就行完出黎，趕返去中村藤吉。 過左幾個位，即刻叫店員安排。 我點左生茶ゼリー（抹茶）720円，價錢非常貼地。 但味道無乜驚喜，甜得滯，如果要我企喺度排一粒鐘就一定唔使諗。
