網上商店喺今年雖然越嚟越普及，但唔少人往往因為唔識得點用，到依家都未體驗過網購平台有幾方便！即使見到心水商品，都唔識得買。 而唔同嘅網購平台無論係貨品類型、運費計算、購物方式都各有不同。今次就為大家介紹吓「士多」同埋「鄰住買」嘅各樣特色。 士多 Ztore 士多網上商店有售唔同類型嘅貨品，例如食物、家居用品、糧油雜貨、個人護理用品、母嬰用品等等。貨品種類繁多。 運費方式有3種，對比其他網購平台算便宜。送貨服務更包送唐樓、村屋，不加收任何附加費，簡直係住唐樓村屋人士嘅一大福音！ 免費提貨點自取 免費智能櫃自取 免費送貨上門 買滿＄80 服務詳情 買滿＄150 服務詳情 買滿＄499 服務詳情 士多網購步驟 1.先申請帳戶後購物 喺主頁右上角按「登入／註冊」。 根據指示註冊帳戶。買嘢嘅時候再登入就可以喇！ 2.選購心水貨品 登入之後就可以隨意揀你嘅心水貨品！士多早已為你將各色各樣嘅貨品分門別類，等你可以好快就搵到想要嘅貨物。 3. 加入購物車／返貨電郵通知 揀到心水貨品之後，就可以將佢加入購物車。 但如果你嘅心水貨品已經售罄，都可以將佢加入返貨電郵通知，等有貨嘅時候即刻搶購。 4.選擇送貨方式 進入購物車頁面，並揀好送貨方式，之後撳「去付款」。 以送貨上門為例，輸入地址及選擇送貨時間後，按「下一步」。 5.選擇付款方式 士多支援Visa、Mastercard、American Express、Google Pay、PayPal、AlipayHK等多種付款方式，十分方便顧客！士多以SSL方式保護用戶喺網絡付款時嘅資訊，SSL會將付款資訊加密，令第三方無法攔截。 6.查看訂單記錄 查看「確定訂單」電郵，或者到「我的帳戶」內嘅「訂單記錄」，就可以見到你嘅運送記錄同訂單詳情。 7. 取貨及送貨提示 取貨／送貨當日會收到SMS提示，所以電話號碼一定要填啱啊！ 鄰住買 Neigbuy 鄰住買係一間提供至優質、至抵買產品嘅社區團購平台！佢會喺網上收集一眾街坊訂單後，就會大批量向供應商以團購價訂貨。 佢同超過250間社區小店合作做自取點，接到貨就會免費送到區內合作嘅自取點讓街坊自取。就算買1件，鄰住買都會免費送落自取點，0蚊運費。 鄰住買嘅貨品類型主要係人氣熱賣產品，例如新鮮蔬果、飲食、母嬰、個人護理、家居生活等貨物，應有盡有！ 鄰住買網購步驟 1.先申請帳戶後購物 根據指示輸入你嘅手提電話號碼、驗證碼及設定密碼，就可以成功註冊帳戶。 2.揀選自取點再搜羅心水貨品 按左上角圖標選擇自取點，之後就可以向下滑動，瀏覽是日嘅團購貨品，截單時間，同預計到貨日期。 3.將心水貨品加入購物車 按「搶購」之後已經將貨品加入購物車，而「＋」或「-」就可以調整訂購數量。加晒所有心水貨品入購物車後，就可以撳「立即購買」結賬。 4. 確認訂單及選擇付款方法 鄰住買支援Visa、Mastercard、JCB同AlipayHK，選擇好付款方式後，撳「確認付款」就可以完成訂單了。 5.檢視訂單 可以於「訂單」版面內隨時檢視訂單最新情況。 6.到貨SMS 貨品到達自取點前，會有SMS通知用戶。 7.個人取件碼 最後，就可以到你選擇嘅自取點，以個人取件代碼攞貨喇！
