結婚可以好複雜，亦可以好簡單！如果你嘅婚禮唔使100%跟足傳統，唔需要擺酒大排筵席，但又想邀請親朋好友分享呢個開心時刻，不妨考慮舉行Wedding Lunch或者Cocktail Party！其實呢類型嘅婚宴喺外國已經流行咗好耐，一大班親戚朋友喺草地，或者靚cafe入面一齊食下野傾下計仲開心！所以今次就同大家分析一下點解Wedding Lunch/Cocktail Party愈黎愈人揀啦～ ⭐️預算有限？唔怕！ 一般婚禮都會揀夜晚擺酒，但無論係酒樓或者酒店，酒席閒閒地都要9000幾蚊起！如果想食好啲，揀比較好嘅菜式都要差不多15,000一席架！諗起都有啲肉痛⋯⋯ 相反，Wedding lunch或者Cocktail Party就無咁大壓力喇，可以選擇以自助形式招待賓客，試吓準備唔同款式，有甜又有鹹嘅小點心，例如三文治、pancake、水果、甜品等等。如果想再得體啲，不妨可以準備魚子醬、松露、Cold Cut拼盤！甜品方面可以準備靚嘅donut或者cupcake等等，可以俾賓客『相機食先』之外，價錢亦都比擺酒平得多！ (emptydesign) (lifestyle Asia) (brides Blush) ⏱時間方便～唔驚搞到好夜 如果揀係中午搞party，時間都會方便好多！仲好記得曾經去過朋友星期日晚嘅婚宴，食到一半已經見到有唔少賓客急急腳趕住走，應該係因為第二朝要起身返工～所以如果即使揀喺週末或者週日party，食完lunch都唔驚夜啦！如果你都想賓客可以慢慢享受你既婚禮派對，中午或者tea time開始都值得考慮！ ⭐️場地更多選擇！ 而家香港都有唔少地方可以提供場地做wedding lunch同cocktail party架！選擇仲有好多，無論你鍾意戶外露天花園或者草地，又或者室內有大落地玻璃嘅場地，甚至係悠閒chill啲嘅cafe都可以，比起傳統酒樓酒店ballroom搞，揀個舒服既，影相靚嘅更加好啦！ (bride and breakfast hk) (Park Lane HK) (crownewedding) (time out) ❤️悉心準備多個『打卡位』 通常去到婚禮，大家都係排住隊，等上台，同新人係寫住佢地名嘅Back Drop前面影相...太悶了吧？如果搞party喺佈置方面會有更大嘅自由度，例如有唔少新人都鍾意set up Candy Corner，放滿各式各樣糖果，影相夠哂靚之餘又可以招待賓客。另外影得咁靚嘅婚紗相又點可以收埋呢，相簿或者油畫配搭一啲乾花，英文字母擺設，一樣可以做打卡位，相當唔錯！而且，室外party有超靚嘅自然日光，影出黎嘅相都靚啲啦！ (wedding blog) (crete for love) 慢慢食❤️慢慢傾 傳統婚宴通常都好多程序，新人除左要企定定同賓客影相之外，間中仲要換衫啦，食飯期間要睇『成長片段』同『朝拍晚播』啦，仲要逐圍逐圍枱去敬酒架！一整晚，可能同到親戚朋友交流嘅時間真係唔多！如果搞wedding lunch party嘅話，無哂呢啲繁複程序，多啲時間可以同到大家傾計都唔錯啊！ (thespruce) ⭐️WEAR what you want 傳統婚宴，大部分新人都係著禮服婚紗～雖然係靚同埋夠哂隆重，不過有唔少新娘子都異口同聲話，著住成晚都好唔舒服，行個陣要拎起裙尾，坐底仲辛苦，野都食唔落架～唔想大好日子享受唔到？Lunch Party不如就著上自己覺得簡單舒服嘅小禮服啦，白色長紗裙，戴返頭紗，簡單一樣咁好睇架！ (storenvy) (DHgate) 其實而家唔少新人都喜歡比較簡單既形式，除左省略左好多擺酒繁複既程序，可以輕鬆一啲之外，party更加可以同賓客互動更多，氣氛仲熱鬧仲開心！所以如果新人們同父母們都唔太要求傳統婚宴既話，十分推介舉行lunch party/cocktail party！ 傳統婚嫁資訊由創意婚禮服務Wedding Bloom提供 www.weddingbloom.com/?p=9090 愛都中心 營業時間：11:00am - 10:30pm (星期一至星期日) 地址：九龍旺角彌敦道749A號 (太子站C1出口) 如何前往：從太子站C1出口，過馬路後會見到恒生銀行，再步行約100米便會到達愛都中心
