近日，係整理家中堆積如山的護膚品同化妝品時，俾我發現朋友係數月前送俾我的一盒面膜，其實我一向都好少用紙面膜，覺得用gel / cream mask 比較方便。見到盒面寫住係for face and chin，好似幾得意喎，等我試用吓啦！ Marjorie Bertagne GG HEGF Nano-Collagen Recharging Mask For Face & Chin 納米膠原抗皺面膜一盒有6片 內說明書及每片面膜包裝袋後既詳細說明 面膜的布料好有彈性，3D立體剪裁令面膜好貼面，全面的皮膚都覆蓋到^^ 獨特的掛耳式設計，連下巴都照顧埋，亦有feel得到的提升緊緻效果。而且掛耳式的設計令面膜不易因為地心吸力而向下滑，即使敷住面膜週圍走都冇問題，最岩我呢種坐面定的人啦！人總係貪心既，如果呢個面膜可以覆蓋埋頸部，順便照顧吓我既頸紋就好啦！ 攞咗面膜出來之後，包裝袋內仲有好多精華，唔好晒，查埋落面膜上面同頸度。 敷咗20分鐘，好surprise，好明顯見到面頰位收緊咗，毛孔細緻咗，最意外的係眼角的乾紋都唔見咗，好神奇呀 第二朝起身，都仲覺得自己的皮膚細緻咗，上妝亦比平時貼服呢！ 用後感： 一向都係包包面既我，一直都覺得包包面唔係咩問題，反而覺得咁都幾可愛。但係隨住年紀越大，包包面就唔係可愛的baby fat啦，仲變成咗輪廓鬆弛的危機！但係我一直都唔敢去做機，一來怕好快冇咗效果，二來長期keep住做所費不菲啊! 可知，我是慳家女一名^^ 依家發覺Marjorie Bertagne 呢個面膜除咗有一般面膜既回復肌彈性、去紋、保濕既功效之外，仲可以瘦面，而且價錢唔係貴，keep住用都可以，會大力推薦俾包包面既sis啊! HK$450/6 片 銅鑼灣祟光地面Marjorie Bertagne 有售 www.mb-gghegf.com
