近年有機產品大行其道，標榜取材於天然植物或海洋生物，不含化學物、重金屬、防腐劑、化學香料或其他合成物質。相比起一般護膚品，有機護膚品對人體既傷害大大減少。我亦想試吓有機護膚品，但係云云有機護膚品品牌中又點揀好呢？見到某雜誌刊登咗Herbfarmacy既廣告，送皇牌有機護膚品旅行裝，睇來今次係一個好機會試吓用有機護膚品啦！ 官方產品介紹： 一見到「擊退濕疹」四個字，就覺得得物無所用了，因為我無濕疹問題，亦直覺覺得for濕疹既product一定係笠到爆，絶對唔適合混合性皮膚既我。但係BA姐姐好細心，見我係混合性皮膚，就同我講原來呢個product可以當lip balm來查，仲話因為係全天然成份，不含化學物質，就算食落肚都冇問題添！咁就岩啦，我一年四季都係唇乾既人，成日查潤唇膏同唇彩，都唔知食咗幾多化學物質落肚！ 呢個強效修護精華油travel size大概係5蚊銀大，用來做lip balm放落手袋就最適合不過。膏狀的精華，查開係油，有清新的花香味，查落嘴度感覺亦唔笠。 查上精華之前，唇上的乾紋同脫皮情況清析可見。 塗上精華後，未見即時效果，只係潤澤咗少少。 5分鐘後，精華被吸收，唇紋淡咗少少，而脫皮的位置亦可以慢慢輕力地撕除。 10金鐘後，嘴唇明顯變得潤澤。 用後感： Herbfarmacy為英國製造，全線產品均榮獲英國土壤協會(Soil Association)頒發有機認證，亦為現時唯一一個品牌堅持由栽種、採摘、生產以至包裝，整個生產過程均於英國有機農場進行既護膚品，更獲身兼著名作家及天然產品專家Janey Lee Grace高度推崇，對產品既質素絶對有保證。而且產品註明適合嬰兒及任何年齡人士使用，產品的安全性當然令人有信心。我覺得作為lip balm，呢個product做到潤唇同減淡唇紋既效果，好處係可以安心使用，唔洗驚會有致癌物質，用作唇膏或唇采打底最適合不過。而且個人好鐘意佢的花香味。缺點係單用時略嫌唔持久，要經常補。 上網睇原來herbfarmacy都有lip conditioner，揾日要去試吓！ Herbfarmacy Skin Rescue Balm 強效修護精華油 30g / $230 售賣點：eco Organic Skincare 銅鑼灣希慎廣場629舖 (Tel: 3105 9728) http://www.ecog.com/index.php?dispatch=categories.view&category_id=7&sl=CH
