一向都用開BB Cream，而且都習慣用韓國牌子嘅BB Cream。但近來好多外國牌子都爭相出BB Cream，於是我又買來試下，睇吓有咩唔同，於是就揀咗Bobbi Brown嘅BB Cream SPF 35PA+++，俾BA姐姐sale兩sale 又買埋個碎粉Skin Foundation Mineral Makeup SPF 15，呵呵~ 官方資料：Bobbi Brown BB Cream SPF 35 加入護膚及修護功能，令妝容貼服一整天。控油保濕：天然礦物可吸走多餘油份，透明質酸及大量保濕劑為肌膚提供足夠水份；長效修護：Peptide 刺激骨膠元增生，減淡細紋。黃芩精華減淡色素及黑斑，改善膚色不均；鎮靜降紅：咖啡因及蔗糖可舒緩和鎮靜肌膚。 BA姐姐幫我選咗Light color嘅BB Cream同碎粉，BB Cream嘅質地幼滑，好易推開；碎粉因為有遮瑕作用，所以唔似一般的碎粉咁透明，質感有d厚。 哈哈，大膽post 出未經修緝嘅驚嚇素顏樣，可見我右眼下嘅大暗瘡印，同埋久經歷練而成嘅熊貓眼！ 查咗BB Cream後，好明顯膚色均勻咗，黑眼圈淡咗，右眼下的暗瘡印都唔見咗。BB Cream推開後，好薄好貼服，感覺好自然。 上埋碎粉嘅效果無預期中的咁好，沒錯，遮瑕度好好，即使唔用遮瑕膏都可以完全遮蓋都我面上嘅瑕疵，但係感覺好厚粉，唔係咁自然，亦都冇一般上碎粉後的光澤同透明感。可能係我用粉樸上粉的關係，出來嘅效果會比較厚粉，下次改用碎粉掃上，效果應該會自然d。 用後感： 上妝當日遇著時晴時雨嘅天氣，正好為妝容帶來考驗。經過一日係街上日曬雨淋，妝容都keep得住，冇溶妝，證明控油效果唔錯。大力推介Bobbi Brown 嘅BB Cream ，因為遮瑕度高之餘，又貼服自然，而且控油效果不俗。而Bobbi Brown 嘅碎粉就有少少保留，因為始終有d厚粉感覺，雖則用掃上會好d，但係用掃上總係覺得唔及用粉樸上last 得咁耐。 Bobbi Brown BB Cream SPF 35PA+++ & Skin Foundation Mineral Makeup SPF 15 http://www.bobbibrown.com.hk/?q=zh-hant/website_admin/node/168/&menu=1113
