睫毛短少又稀疏的我，一向都愛買以濃密為主的睫毛液。但多年來用過不同牌子，仍未找到最滿意的。近期試過Loreal的睫毛液，效果雖然係好濃密，但係佢令睫毛好厚好重，而且做唔到根根分明的效果；之後又用過Dior的睫毛液，佢解決咗Loreal睫毛液的問題，但係佢雖則寫明係waterproof，每次用佢到咗下午都會見到眼肚黑咗一撻，日日變熊貓眼，太過份啦！又再一次證明，貴嘢唔一定好用！ 見到Revlon出咗新的Photoready 3D Volume Mascara，我又未用過Revlon的睫毛液，咁就買返支試吓啦！ 一向好偏愛用大兼螺旋型刷頭的睫毛液，貪佢易刷，又可以做到濃密效果。我亦唔喜歡用温水卸的睫毛液，因為次次都有卸唔淨的感覺。Revlon呢支睫毛液就符合晒我要求啦！ 從側面睇，可以見到查咗睫毛液之後，睫我真係如盒面句headline咁講，100%激長濃密咗！ 從正面睇，哈哈，好似由完全冇睫毛變到有睫咁，而且睫毛查咗睫毛液之後仲好輕身，可以維持向上撓，唔會墜落！*前後相都係先夾眼睫毛先拍啊！ 用後感： 用咗REVLON Photoready 3D Volume Mascara 足足一星期，好滿意佢的濃密同增長效果，睫毛濃密得來又唔會黏埋，做到根根分明，查足一整日都完唔會變熊貓眼，睫毛的捲曲度仲可以維持到一整日，晚上以普通的眼部卸妝液就可以輕易洗淨，真係我呢種睫毛短少人士的恩物呀！ REVLON Photoready 3D Volume Mascara 10ml/$118
