貪靚既我習慣無論返工定出街都會化妝，所以一直以來都試過唔少卸妝方法，試過卸妝水，但係次次抺咗十幾塊化妝棉，塊化妝棉上面都總係仲有污漬，都唔知究竟乾淨未，而且係面上抺得太多，會容易出紋或引致鬆弛，對我呢d中女來講，係大忌，所以我都係prefer用卸妝油！但係卸妝油都有缺點，就係用完有種油笠笠既感覺。近期，我就揾到一款比較清爽既卸妝油，係度想同大家分享吓： 肌研淨透卸妝油 200ml 肌研(Hada Labo)呢個牌子大家都應該唔陌生，係開架牌子裏面佢都算係口碑唔錯。卸妝油包裝上註明含高純度天然橄欖油，温和低刺激，仲有超級透明質酸同陽離子透明質酸，具超強保濕、軟化角質同係肌膚表面形成鎖水膜，保持潔面後肌膚濕潤不繃緊既功效。有效卸除各種彩妝、防水睫毛液、眼線同防曬品。究竟呢支卸妝油係唔係真係如包裝上所講咁好呢，等我哋一齊驗證吓啦！ 呢隻卸妝油既質感唔似其他卸妝油咁厚，比較爽，好易推開，無味，係透明既，奇怪既係佢冇其他卸妝油既乳化過程咁明顯，卸妝油好快可以被水沖走而冇乜見到佢變成奶白色。馬上開始測試一吓佢的潔淨度！ 測試之前先睇吓今次測試既幕後功臣：各種防水以及唔防水的彩妝品： 測試項目有唇膏、唇采、粉狀眼影、防水眼線gel、防水睫毛液、胭脂、BB Cream、遮瑕膏等… 先測試一吓各種彩妝品既防水度： 先係我既肥手臂上查上不同既化妝品 ，然後用水沖洗： 一如所料，所有彩妝原封不動留係我既肥臂上，再用潔面乳洗： 大部份唔防水既彩妝都洗走咗，但係防水既唇采、睫毛液、眼線，依然頑強，清晰可見！ 為公平起見，我澈底洗淨肥臂後，再從新上妝來測試卸妝油既潔淨度。 今次肥臂上畫既圖樣同上一次唔同，以證我係重新畫o架！ 輕輕推開卸妝油，再以清水沖洗後，大部份既彩妝都被澈底洗淨，唯獨眼線液同眼線gel仲遺留痕跡，矇矇糊糊咁～ 用後感： 連 續用咗肌研淨透卸妝油兩個星期，老實講比起大牌子，肌研淨透卸妝油有優勝之處，亦有不及既地方。優勝之處係佢的確好清爽，用後唔似一般卸妝油咁有笠稠稠既 感覺，而且質感好薄好水，好易推開，好易沖洗乾淨，乾爽得來又有保濕既效果，好岩依家又熱又笠既天氣；缺點係佢既潔淨度始終唔及大牌子，要卸防水眼妝，一 定要先用眼部卸妝產品。但係一分錢一分貨，我覺得呢個卸妝油既表現算係好滿意J 肌研淨透卸妝油 HK$115/200ml 萬寧獨家發售 http://www.hadalabo.com.hk/web/
