好喜歡香港有分明既四季，俾我有機會著吓唔同季節既衫，有藉口話要換季，換吓護膚品，對於我呢種貪新鮮既人來講，如果冇咗一年四季既話，人生一定會沉悶不少，生活係香港呢個購物天堂，又有四季分明做藉口真係幸福～～ 言歸正轉，今次俾我用換季做藉口要換既就係粉底液啦！我用開既係Lancome Teint Miracle奇蹟水亮粉底，其實都用咗一個多月，大牌子質素有保證，無論係遮瑕度、貼服度、色澤、自然度、持久度都表現理想。七、八月份咁熱既天氣佢都頂得住唔溶妝，確實係值得推介！ Lancome Teint Miracle奇蹟水亮粉底官方解說： 色澤均勻且感光度持久，傳統珍珠母色澤易沈澱且反光較不規則。使表面光彩達到最佳狀況，同時使得皮膚的內在光線可以順利循環。油包水型的質地呈現出理想的覆蓋效果且持久。不脫妝，不厚重。自然，色澤均勻，呈現絲質般光澤且長效。 近呢一個多星期開始，天氣開始乾燥啦，本來好OK的粉底液，用完之後，竟然毛孔仲明顯咗，都係唔夠保濕所致！（注意：影相時未上碎粉！） 之後我又開始搜攞保濕既粉底液啦！最後揀咗標榜waterful 既Lanegie Water Supreme Foundation SPF 15 PA+。 Lanegie Water Supreme Foundation SPF 15 PA+ 官方解說： 核心成分Optimal Mineral Water結合3D Hydra Technology，將粉底液的含水量提升至最佳比例，令粉底液質地輕盈水感，容易於面上推開，並打造一個全面的鎖水補濕層。保濕因子為肌膚提供源源不絕的水份，令妝容足以維持一整天貼服剔透。另外，具備SPF 15 PA+防曬功能，有效阻隔紫外光對肌膚造成的傷害。質地薄透但遮瑕度理想，有效將毛孔毛孔與細紋修飾隱藏，締造自然不著痕跡的完美妝容。 所選既Lanegie 粉底液顏色係No. 21N Natural Beige，而用開既Lancome粉底液顏色係PO-03 Beige Daiphane，驟眼睇，顏色同質感分別不大。 上咗Lanegie 粉底液後，好明顯皮膚細緻咗，好保濕但係又唔會笠，之前泛紅既肌膚都改善咗，cool~ 用後感： zoom out比較一下，左右兩邊面分別用左Lancome 同Lanegie 粉底液，before相只係查咗basic護膚品同makeup base，而after想係未上碎粉時影既，可以見到其實妝效真係差唔多，只係close up時會見到查Lanegie果邊會稍為水潤d，皮膚紋理會細緻d，個人覺得係秋冬Lanegie 粉底液會略勝一籌！ Lancome Teint Miracle奇蹟水亮粉底 $330/30 ml http://www2.lancome.com/_en/_ww/makeup/complexion/foundations/teint-miracle-292013.aspx Lanegie Water Supreme Foundation SPF 15 PA+ $320/35ml http://www.laneige.com.hk/?product_cat=4&product_series=foundtion&p=2297
