病咗一個多星期，晚晚冇得訓，搞到皮膚勁暗啞，毛孔粗大晒，暗粒、粉刺湧現，係時機測試一下之前係HABA Roadshow買既修護毛孔孖寶既功力啦！ HABA 2-Way Gel 深層清潔按摩熱膜，White2 Clay Pack 淨顏亮肌雙白泥面膜 透明啫喱狀既2-Way Gel深層清潔按摩熱膜係一款能夠產生微溫既深層清潔面膜，作用係擴張毛孔，配合按摩，就可以輕易推出毛孔深層污垢同清除老化角質。另外，佢可以活化面部肌膚微循環系統同新陳代謝，提升肌膚含氧量及鎖水度。用法好簡單，只要係洗面後，將面膜均勻塗於全面 (眼部除外)，當感到微暖後，用指尖於面上打圈按摩，再用清水洗淨就得。 病咗一個多星期後，面上有好多粉刺有待清理，2-Way Gel敷 上面後，好快就感覺到暖暖地，慢慢打圈按摩，感覺都幾舒服。老實講，過水後唔會好明顯見到皮膚有咩改善，但係可能係毛孔因為面膜既熱力而擴張咗，所以之後 會發現粉刺會好易擠到出來，如果有自己做開針清既話可以一試！我既皮膚薄皮，按兩按面脥位就紅晒，所以我諗容易皮膚敏感既話用呢個product要小心啦！ 用完2-Way Gel，針清完之後，我就接住敷White2 Clay Pack。其實HABA既BA話2隻面膜唔需要一齊用，就算係要用晒2隻面膜，都最好係分開用，但係我就總係唔聽話，覺得接住用效果好d，我太心急要趕走晒面上既污垢啦！ White2 Clay Pack淨 顏亮肌雙白泥面膜含兩種護膚泥－帛琉護膚白泥＋法國白礦物泥，可以徹底吸走堵塞毛孔既油脂污垢，去除老化角質細胞，袪除暗啞，令毛孔潔淨暢通，收細毛孔之 餘，肌膚油光不再。配合鯊烯精華、雛菊精華同雙甘油等成分，為肌膚深層保濕，活化細胞代謝機能，加速肌膚新陳代謝，令肌膚回復淨白，水盈柔滑。 白泥狀既面膜質地容易推開，敷上面大概3分鐘就乾透，之後過水就得。用完之後，我覺得皮膚明顯白淨咗，大部份既粉刺都被清咗出來，毛孔亦見幼細咗，但係皮膚勁乾，要急急敷返水分面膜補水！ 用後感： 2隻面膜結合起來既深層清潔效果尚算滿意！個人覺得如果冇自己做針清既習慣，2-Way Gel可能作用不大，單買White2 Clay Pack就得。如果話要按摩幫助面部血液循環既話，直接買按摩膏可能效果更好。而White2 Clay Pack深層清潔效果都唔錯，敷3分鐘度就可以過水，本來係好慳時間，但係皮膚之後勁乾，又要敷返水分面膜補水，如果呢個面膜可以加強返補水成分咁就perfect啦！ HABA 2 Way Gel $240/120g HABA White Clay Pack $260/120g http://www.haba.com.hk/product.php?typeid=35
