最喜歡九、十月既天氣，活喺人體最舒適既氣温，心情都特別好！但同時，乾燥天氣又開始偷偷帶走肌膚既水份，係時候要做好保濕工作，為乾燥既秋冬做好準備啦！ 見到美肌の誌出咗盒終極水嫩隱形面膜，忍唔住要試吓！終極水嫩？隱形？係唔係真係咁勁呀？！ 盒背上註明呢個面膜主要成份係非洲白茅中既獨特鉀離子、玻尿酸、尿素誘導體、加洲有機稻米萃取同埋經專利技術分離既硬聚葡萄糖，可以為肌膚頃刻注入500倍水份，有效將水份帶入細胞內，瞬間提升肌膚細胞儲水量，更有定點修護同強化肌膚保濕層既功效，令肌膚時刻保持水潤嫩滑。 打開面膜包裝，入面係一塊好透明既面膜，有珍珠紙既阻隔，令面膜容易打開使用。 敷上面既效果會唔會嚇你一跳？我諗，如果我剪咗髮際同下巴多出來既面膜，大概你唔會太覺眼我敷咗面膜！呢塊面膜好貼面，名副其實做到盒面所講既輕、透、薄！哈哈！以後喺屋企敷呢隻面膜，可以大無斯樣行出廳，唔怕嚇親一家老少，維持我既淑女形象！^^ 敷咗面膜20分鐘後，仲有好多精華留喺面上，我會輕輕按摩等精華完全被皮膚吸收，然後再用化妝棉輕輕抺走多餘既精華。 比較一下敷面膜前後既皮膚狀況，額頭係我缺水既重災區，乾紋乍現！皮膚亦因而變得粗糙。敷咗美肌の誌終極水嫩隱形面膜之後，皮膚狀態驚現睇得見既改善！乾紋唔見咗，皮膚細嫩咗，顯得好飽滿，我飢渴既肌膚終於都可以飲飽水啦！ 用後感： 美肌の誌終極水嫩隱形面膜既價錢吸引，但補水、鎖水效果絶對比得起某些價格相對貴既牌子，日日用，或者當急救補水用都係唔錯既選擇！好欣賞佢既隱形設計，旅行時用，都唔驚會嚇親同房好友！ 美肌の誌終極水嫩隱形面膜 $99.9 / 5 pcs 屈臣氏有售 http://www.beautymate.hk/index.php?page=shop.product_details&flypage=flypage.tpl&product_id=149&category_id=31&option=com_virtuemart&Itemid=3&lang=hk
