炎炎夏日，又點少得食刨冰呢！ 今次介紹既呢間甜品店平文好中意好中意，因為每款刨冰既賣相都相當吸引。 位於希雲街既呢間甜品店帶比平文一種好舒服既感覺，雖然店鋪既間格"一目了然"，但係店鋪主要用木啡色做主色，令平文覺得好有温暖既感覺之餘仲唔會因為地方唔大而有壓迫感。 餐牌上刨冰味道既選擇話多唔多話少唔少(點解咁講？因為平文有嚴重選擇困難症呵呵) 約埋三五知己黎食就最好不過啦，既可以係咁舒適既環境下傾下計，又可以試多幾款味道。 抹茶忌廉焦糖味 $78 平文個人好中意抹茶同焦糖呢個配搭，所以諗都冇諗就叫左呢款黎食。 落完單店員會即刻將冰刨製成綿綿既刨冰。底既冰係焦糖味而面既係抹茶味。 抹茶味好香濃絕對唔係淋啲抹茶味醬落冇味既冰上面個啲，反而食到中間都仲有抹茶味。 食到最底既焦糖味偏甜。 草莓味 $78 呢款士多啤梨味完全係有夏日既感覺同埋非常少女。 士多啤梨味唔太重，似加左煉奶既味。 整個刨冰既體型都幾大，如果想食完正餐過黎食既，平文就建議同朋友share就最好，因為自己未必食曬成個架，食到最後都幾飽。 !!!温馨提示: 食刨冰既時候要小心，好容易傾斜埋一邊，最好由側面開始食喔。 餐牌仲有其他小食，例如泡芙，日式蕨餅等等，如果想試埋既可以加錢叫個套餐。 儲夠8個刨冰印花仲可以有一次免費！ ---------------------------------------------------------------------------- 餐廳資訊 SHARI SHARI Kakigori House氷屋 銅鑼灣希雲街14號地鋪 如果喜歡或是覺得還OK的，請讚和留言，讓零羊有動力繼續分享吧! 謝謝:)) 可以的話再follow零羊 ，零羊有臉書facebook、想看靚相到零羊的instagram (zerosheep_youngtraveler) Fanpiece: http://fanpiece.com/zerosheepyoungtraveler/ Odigo: https://tw.odigo.jp/?i=zerosheepyoungtraveler]https://tw.odigo.jp/?i=zerosheepyoungtravel er Facebook: https://www.facebook.com/%E9%9B%B6%E7%BE%8A%E5%9B%9E%E9%84%89%E6 %8E%A2%E9%9A%AA%E8%A8%98- %E5%BE%9E%E9%A6%99%E6%B8%AF%E5%87%BA%E7%99%BC- 1816752261973471/ Instagram: http://picbear.com/zerosheep_youngtraveler [ 切勿不問自取截圖截文竊取任何圖文 ] #零羊回鄉探險記-從香港出發
