疫情第5波來勢洶洶！戲院，樂園，Party Room 等等通通要關閉，日日困喺屋企真係好易屈到病。 早幾日同YY去元朗信芯園農莊參觀，難得搵到個地方走動一下。信芯園地方都算大，入面有好多塊花田，可以落田打咭影相。不過落田時要小心，唔好整到啲花呀～ 尼期當造既係百合同劍蘭，雖然劍蘭唔係我杯茶，不過見到一片花海，真係令人好開心~ 點擊圖片放大 認識信芯園係上年喺朋友FB見到的一大片向日葵花海。行勻成個農莊都唔見向日葵，細問之下向日葵原來要4月尾至5月先有。不過唔緊要啦，除咗花田之外，農莊仲有幾個好靚既打卡位：七彩傘海，紫滕花隧道，風車，櫻花隧道，鳥居，月亮型楸千等等。。。可見農莊主人佈置既用心。我同YY都忍唔住喺農莊不停咁影相。我既單人相全部都係由 YY 揸機，佢既攝影技術好過 YY Dadi 好多。點擊圖片放大 +7 除咗影相，仲有劍蘭同百合兩款年花售賣。花巿因為疫情反彈而取消，想買年花既朋友可以黎信芯園買花兼打卡。信芯園農莊地址：元朗新田前往方法：錦上路站轉的士 (大約$90)綠色小巴75紅色小巴17巴士76K入場費：每位$50，3歲以下免費FB: https://www.facebook.com/hk.yy.family/IG :https://www.instagram.com/hk_yy_family/Youtube: https://www.youtube.com/channel/UCg0U2RaZmQGIOeNE1hquBDw
