Happy New Year~2022既第一天 YY 約咗朋友仔去錦田鄉村俱樂部摘士多啤梨～ 錦田鄉村俱樂部不設入場費，入面係逐樣收費的。我哋先去摘士多啤梨，日本種同韓國種都係$120/磅。我哋摘咗15粒，埋單係$88。士多啤梨季節係1月至3月底。有興趣的話就襯早去。盡量早上去，先可以摘到大粒架~ 正所謂早起的鳥兒有蟲吃嘛~點擊圖片放大 +4 入士多啤梨田之前，有個 counter 拎籃同較剪。入到去見到又紅又大粒，都要細心望清楚有無爛？真係"靚仔"先好剪。因為埋單係按重量收費，所以條柄剪短啲，盡量減輕重量呀。之後我哋買咗魚糧餵魚~ 跟住仲餵咗羊仔同兔仔。除咗餵小動物之外，尼到仲有幾樣適合小朋友既機動遊戲玩，價錢係$40-60。YY 同朋友仔揀咗玩碰碰車。收費係$60/10分鐘。點擊圖片放大 錦田鄉村俱樂部亦有BBQ既地方，一個價錢，任食4小時。場內亦有一大片草地，好適合小朋友放電。以前我哋試過帶埋帳篷去，不過而家開帳篷要收費了。 大草地嗰邊有兩個彈彈床，10歲既 YY 仲有興趣玩。$30玩10分鐘都算抵玩。化算過AIA既燒錢嘉年華。今日我哋喺場內既消費唔駛 $200，但2位小朋友玩咗近3個鐘。抵玩!!錦田鄉村俱樂部http://www.yl.hk/ktcc/前往方法: 錦上路站轉乘601號小巴 或 轉的士FB: https://www.facebook.com/hk.yy.family/IG :https://www.instagram.com/hk_yy_family/Youtube: https://www.youtube.com/channel/UCg0U2RaZmQGIOeNE1hquBDw#親子好去處#錦田鄉村俱樂部#錦上路#摘士多啤梨
