前日係我同 YY Dadi 既15週年紀念。平日既關係，都無特別話要去邊到慶祝。YY 放學後仲要開 turbo 做功課，因為夜晚出街食飯。YY Dadi 喺Chef's Stage Kicthen 訂咗位。尼間餐廳我都係第一次去，餐廳位置旺中帶靜。門口仲有啲戶外位，冬季坐嗰啲位都幾寫意。點擊圖片放大 +2 食物方面，我哋點了二人 set。 雖然我哋一家三口去，但個Set份量好足夠，而且YY食量好細，所以都好夠食。點菜後，上咗個麵包併盤，搽麵包個醬好好味。美國牛肋肉濶蛋麵都好食，牛肋肉好淋，啱哂YY。個牛扒同龍蝦尾擺盤靚。牛扒唔 un。最怕有啲餐廳個扒又硬又鞋口。點擊圖片放大 +6 最後我哋點咗個甜品：芒果熱情果慕士蛋糕。甜品碟寫咗朱古力字：Happy 15th Wedding Anniversary。朱古力字寫得好靚，需預先打電話 request。但係。。個蛋糕，餐牌明明寫住係 "homemade dessert"，但個蛋糕我認得我喺急凍食品店買過，一條切到10件左右，大約賣$128咋。結咗婚15年，老實說禮物不是年年有。不過今年適逢15週年，比我諗到件有心思既紀念品。我搵了早2年喺京都影的全家幅去製作積木擺件。本來間店製作時間需要10至20天，不過知道係結婚週年紀念禮物，5日就趕起比我。非常感激!! 謝謝 ＃MegaToys人仔專門店Chef's Stage Kitchen (西菁街) https://s.openrice.com/QrbS0HE8600~dxfoDKKqV地址: 元朗西菁街23號富達廣場52-56號地舖電話: 27999880FB: https://www.facebook.com/hk.yy.family/IG :https://www.instagram.com/hk_yy_family/Youtube: https://www.youtube.com/channel/UCg0U2RaZmQGIOeNE1hquBDw
