剛剛的週末又大了一歲。星期六我哋去愉景灣來一個小旅行。點擊圖片放大 +3 愉景灣酒店官網有 package，大約$29xx。包一晚海景房，雙人自助早及晚餐。不過我喺 hotels.com 有一晚仲未 redeem，所以我就經 hotels.com 訂房，再自費加自助早及晚餐。扣咗一晚 redemption，慳咗$1000。點擊圖片放大 我哋坐屯馬線去到南昌再轉東涌線去欣澳。欣澳站出面有巴士直達愉景灣。留意返路線【DB03P】先係去愉景灣酒店架。到達酒店已經3點半，排隊 check-in 的人也不少。大約等咗20分鐘就攞到房咭喇。職員效率都高，唔算等得太耐。 上咗房間之後，我哋就拎事先準備的生日佈置出黎。Dadi 同 YY 負責吹波，我就負責個氣球支架。忙碌咗一小時，靚靚佈置就完成了。 成日見人去酒店房慶祝生日，今次終於輪到我了。所以要玩盡啲，不過搞尼個大龍鳳都只是花費了$188。酒店都有生日佈置套餐的，不過價錢係$388及$588。咁我哋自備就經濟實惠得多，佈置既時間咪當係娛樂囉。而且仲靚過酒店既佈置套餐！佈置好之後，影咗一輪相又差不多到晚飯時間。酒店的自助餐質素就一般啦，海鮮冷盤只有扇貝，小龍蝦，無乜睇頭。不過我哋貪方便，落樓下就有得食。同埋酒店住客食自助餐有85折。食飽我哋就返上房切生日蛋糕。蛋糕 YY Dadi 喺酒店訂的，尼個蛋糕比自助餐既甜品好食好多! 不過由於我哋都好飽喇，只係食到一半。 第二朝既早餐都係喺酒店解決。自助早餐有4個時段，我哋訂咗最晏嗰節10:45-12:00。瞓醒仲可以喺酒店房影多一陣相。Check-out 之後我哋四圍行下影下相。重點重點要去既海濱白教堂!! 人氣打咭點黎嘛，我哋帶埋束氣球去影相，畫面更加靚~ 啱哂我同 YY 兩位“大小港女”點擊圖片放大 +7 影到咁上下，我哋就回酒店大堂休息一下，等酒店4點的 shuttle bus (如有需要 check in 時記得預訂) 返欣澳。今次既 staycation 其實係我哋既第一次感覺非常良好。愉景灣真係一個好 relax 既地方，感覺真係好似去咗一趟小旅行咁。香港愉景灣酒店香港大嶼山愉景灣海澄湖畔路88號https://www.aubergediscoverybay.com/zh-tw/moreFB: https://www.facebook.com/hk.yy.family/IG :https://www.instagram.com/hk_yy_family/Youtube: https://www.youtube.com/channel/UCg0U2RaZmQGIOeNE1hquBDw#生日staycation#生日佈置#愉景灣酒店#無敵大海景
